నవాబుపేట, వెలుగు: మహబూబ్నగర్జిల్లా నవాబుపేట మండలం చౌటపల్లి గ్రామంలోని ప్రియుడి ఇంటి ముందు ఆదివారం ఓ యువతి కత్తితో హల్ చల్చేసింది. గ్రామస్తులు, యువతి తెలిపిన వివరాల ప్రకారం.. హైదరాబాద్కు చెందిన పూజకు చౌటపల్లికి చెందిన శేఖర్ 2018లో ఫేస్బుక్లో తిలక్అనే పేరుతో పరిచయమయ్యాడు. అది కాస్త ప్రేమగా మారింది. పూజను పెళ్లి చేసుకుంటానని చెప్పి మొహం చాటేయడంతో 3 రోజుల కింద యువతి చౌటపల్లిలోని శేఖర్ ఇంటి ముందు బైఠాయించి నిరసన తెలిపింది. అప్పుడు ఇంట్లో శేఖర్, అతని కుటుంబ సభ్యులు ఎవరూ లేకపోవడంతో పూజ వెళ్లిపోయింది. ఆదివారం బంధువులతో గ్రామానికి వచ్చిన పూజ.. తనకు న్యాయం చేయకపోతే కత్తితో పొడుచుకుని చచ్చిపోతానని, అడ్డొస్తే చంపుతానని బెదిరించింది. కత్తి లాక్కునేందుకు ప్రయత్నించిన శేఖర్ అన్న, అక్కపై పూజ కత్తితో దాడి చేసింది. ఇద్దరి చేతులకు తీవ్ర గాయాలయ్యాయి. దీంతో శేఖర్ బంధువులు యువతిని చితకబాదారు. సమాచారం అందుకున్న పోలీసులు అక్కడికి చేరుకుని యువతిని వారించగా చెట్టుకు ఉరేసుకుంటానని బెదిరించింది. పోలీసుల ఆమెను స్టేషన్కు తరలించారు. కాగా శేఖర్ ఆర్మీ జవాన్ అని తెలిసింది.
