హరారేలో జరుగుతున్న రెండో వన్డేలో టీమిండియా బౌలర్లు దుమ్మురేపారు. పసికూన జింబాబ్వేను 161 పరుగులకే కుప్పకూల్చారు. ముందుగా టాస్ ఓడి బ్యాటింగ్కు దిగిన అతిథ్య జట్టు..భారత బౌలర్ల ధాటికి కేవలం 38.1 ఓవర్లలో ఆలౌట్ అయింది. ఆరంభం నుంచి ఆ జట్టు వరుసగా వికెట్లను కోల్పోయింది. 20 పరుగుల వద్ద తొలి వికెట్ను కోల్పోయిన జింబాబ్వే..27 రన్స్ వద్ద రెండో వికెట్ నష్టపోయింది. మరో రెండు పరుగుల వ్యవధిలో 29 పరుగుల వద్ద కెప్టెన్ చకబ్వాను శార్దూల్ ఠాకూర్ పెవీలియన్ పంపాడు. ఆ తర్వాత 31 పరుగుల వద్ద మదివెరెను ప్రసిద్ధ కృష్ణ బుట్టలో వేసుకున్నాడు. దీంతో జింబాబ్వే 31 పరుగులకే నాలుగు కీలక వికెట్లు కోల్పోయి పీకల్లోతు కష్టాల్లో పడింది. ఈ సమయంలో సికిందర్ రజా, సీన్ విలియమ్స్ కొద్దిసేపు వికెట్ల పతనాన్ని అడ్డుకున్నారు. అయితే రజాను ఔట్ చేసిన కుల్దీప్ .. వీరిద్దరి భాగస్వామ్యాన్ని విడగొట్టాడు. ఆ తర్వాత విలియమ్స్ 42 పరుగులు, ర్యాన్ బురీ 39 పరుగులతో రాణించినా..మిగతా వారి నుంచి సహకారం కరువైంది. చివరకు జింబాబ్వే 38.1 ఓవర్లలో 161 పరుగులకు ఆలౌట్ అయింది. భారత బౌలర్లలో శార్దూల్ ఠాకూర్ 3 వికెట్లు తీసుకోగా..సిరాజ్, ప్రసిద్ధ కృష్ణ, అక్షర్ పటేల్, కుల్దీప్, దీపక్ హుడా తలో ఓ వికెట్ పడగొట్టారు.
Innings Break!
— BCCI (@BCCI) August 20, 2022
Another fine day out for the bowlers as Zimbabwe are all out for 161 runs in 38.1 overs.@imShard was the pick of the bowlers with three wickets to his name.
Scorecard - https://t.co/6G5iy3rRFu #ZIMvIND pic.twitter.com/HnfiWjvfkB
