వయసు పెరిగే కొద్దీ శరీర అవసరాలు కూడా మారుతాయి. 60 ఏళ్ల తర్వాత ఆరోగ్య సమస్యలు ఎక్కువుగా వస్తాయి. వేగవంతమైన జీవితంతో దీర్ఘకాలిక స్ట్రెస్ వృద్ధాప్యాన్ని వేగంగా తెస్తుందని పరిశోధకులు హెచ్చరిస్తున్నారు.
ప్రస్తుతం... నేటి యుగంలో 100 కి 11 మంది మాత్రమే 60 దాట గలుగుతున్నారు. ఏడు మంది మాత్రమే 65 దాటి70 ఏళ్లకు చేరుకోగలుగుతున్నారు. వీరికి ఆలోచనా శక్తి, దృష్టి సారించే సామర్థ్యం తగ్గే ప్రమాదం ఉంది. అందుకే రోజుకు పది నిమిషాలైనా ధ్యానం లేదా మైండ్ఫుల్నెస్ చేయాలని నిపుణులు సూచిస్తున్నారు. అరవై దాటిన వారు ఆనందంగా ప్రశాంతంగా జీవితం కొనసాగించాలంటే పది చిట్కాలు పాటించాలి.. ఇప్పుడు వాటి గురించి తెలుసుకుందాం. . . !
ప్రతి రోజు కొన్ని సాధారణ అలవాట్లు పాటిస్తే అరవైదాటిన తరువాత శేష జీవితం హ్యాపీగా జరిగిపోతుంది. సమయానికి నిద్రపోవడం, సమతుల్య ఆహారం, క్రమమైన వ్యాయామం, ఒత్తిడిని అదుపు చేసే పద్ధతులు, సన్నిహితులతో సమయం గడపడం లాంటి విషయాలు చిన్న చిన్న చర్యల్లా కనిపిస్తాయి. వీటితో పాటు కొన్ని చిట్కాలను పాటిస్తే హ్యాపీగా జీవితం కొనసాగుతుంది. . .
Age @ 60 దాటితే ఆనందంగా ఉండేందుకు చిట్కాలు
- దప్పిక అనిపించినా లేకున్నా నీరు తాగుతూ ఉండాలి. రోజు కనీసం రెండు లీటర్ల నీళ్లు తాగాలి.
- ఆడతారో, తిరుగుతారో, నాట్యం చేస్తారో మీ ఇష్టం... కాని రోజులో ఎక్కువ సమయం కదులుతూ ఉండండి. లేకపోతే కీళ్లన్నీ బిగుసుకుపోతాయి
- బ్రతకడానికి తినండి ...తినటానికి బ్రతకకండి... పిండి పదార్థాలు బాగా తగ్గించి ప్రోటీన్లు ఎక్కువగా ఉన్న పోషకాహారం తినండి. రాత్రిపూట పిండి పదార్థాలు అసలు తినకపోవడమే మంచిది.
- వీలైనంత వరకు నడవండి... లేదా సైక్లింగ్ చేయండి. 100 నుంచి 200 మీటర్ల దూరం వెళ్లాలంటే వాహనం వాడొద్దు.. వాకింగ్ ఈజ్ వెరీ బెస్ట్ యువర్ హెల్త్ .. అనే సూత్రాన్ని పాటిస్తే నడవండి. అపార్ట్మెంట్లో ఉండే వాళ్ళు లిఫ్ట్ వాడొద్దు ... రైల్వేస్టేషన్లలో ఎస్క లేటర్లు వాడొద్దు వాహనాలు వాడొద్దు. మెట్లు ఎక్కండి లేదా రాంప్ పై నడవండి.
- కోపం తగ్గించుకోంది. ఎక్కువసేపు ధ్యానం చేయండి.. తక్కువ మాట్లాడండి. మీ నివాస ప్రాంతంలో.. కోప నిషేధ స్థలం ... అని బోర్డు పెట్టండి. అది మీకు కోపం రాకుండా ఉంచుతుంది. మీ చుట్టూ ఉన్నవారికి కూడా గుర్తు చేస్తూ ఉంటుంది.
- ధనం పై వ్యామోహం వదిలిపెట్టండి... జీవనానికి అవసరమైనంత వరకు మాత్రమే సంపాదించాలి... డబ్బు వెంట మీరు పరిగెత్తకండి... డబ్బే మీ వెంట పరిగెత్తాలి అనే విషయాన్ని గుర్తుంచుకోండి.
- మీరు కోరుకున్నది దక్కకపోతే బాధపడకండి. మిమ్మలను మీరు దూషించుకో వద్దు. గత విషయాలను గుర్తు చేసుకోవద్దు.. అలాంటి వాటిని మర్చిపోండి.
- డబ్బు, తెలివి, సౌందర్యం, అధికారం, కులం, పదవి వీటి వల్ల అహంకారం పెరుగుతుంది. ఇవన్నీ 60 దాటిన తరువాత వదిలి పెట్టండి. ఇలాంటి వాటిపై నియంత్రణ సాధించాలి. వినయంగా .. ప్రజలతో ప్రేమగా ఉండాలి. ఆనందంగా నవ్వుతూ గడపాలి.. అప్పుడే మీరు ఆరోగ్యంగా .. ఆనందంగా ఉంటారు.
- తెల్ల జుట్టు గురించి ఆందోళన వద్దు. కాళ్లు అనుమతించినంతకాలం .. అవకాశం ఉన్నంత వరకు యాత్రలు చేయండి. డబ్బు కోసం పిల్లలను వేధించవద్దు. .ఆనందంగా ఉండండి ...తెల్లజుట్టు వార్ధక్యానికి సంకేతం కాదనే విషయాన్ని గుర్తించండి.
- అందరితో స్నేహంగా కలిసి మెలిసి ఉండండి.. ఒక్కోక్కప్పుడు చిన్నవారే మనకు ఎన్నో విషయాలు నేర్పిస్తారు నేను పెద్దవాడిని . అందరు నాకు నమస్కరించాలి.. గౌరవించాలి అని ఆశించకండి. నిశ్శబ్దంగా ఉన్న వారిని కూడా ఆప్యాయంగా పలకరించండి.
ఈ చిట్కాలను గమనించండి .. మీ జీవితం ఎంత హాయిగా, ఆనందంగా, యవ్వనంగా.. ప్రశాంతంగా గడిచిపోతుంది.
