నిర్మల్, వెలుగు: నిర్మల్ జిల్లా భైంసా మున్సిపల్ ఇన్చార్జి కమిషనర్ జాదవ్ సంతోష్ లంచం తీసుకుంటూ ఏసీబీ ఆధికారులకు పటుబడ్డాడు. భైంసా మున్సిపల్ డిప్యూటీ ఇంజినీర్ తో పాటు ఇన్చార్జి కమిషనర్ గా విధులు నిర్వహిస్తున్న జాదవ్ సంతోష్ ఒక కాంట్రక్టర్ కు రూ.2.60 లక్షల బిల్లు చెల్లించే విషయంలో రూ.50 వేలు లంచం డిమాండ్ చేసినట్లు తెలిసింది.
దీంతో ఆ కాంట్రాక్టర్ ఏసీబీ అధికారులను ఆశ్రయించాడు. ఆఫీసర్ల సూచన మేరకు మంగళవారం సాయంత్రం సదరు కాంట్రాక్టర్ నిర్మల్ లోని కుబేర హోటల్ సమీపంలో రూ.50 వేలను ఇన్చార్జి కమిషనర్ జాదవ్ సంతోష్ కు లంచంగా ఇస్తుండగా రెడ్ హ్యాండెడ్ గా పట్టుకున్నారు.
