మంచిర్యాల, వెలుగు: మొంథా తుఫాన్ కారణంగా మంచిర్యాల జిల్లాలో 3,641 ఎకరాల్లో పత్తి, వరి పంటలు దెబ్బతిన్నాయని జిల్లా అగ్రికల్చర్ ఆఫీసర్ సురేఖ తెలిపారు. ఈ మేరకు శుక్రవారం ప్రిలిమినరీ సర్వే చేసి ప్రభుత్వానికి రిపోర్టు పంపించామన్నారు.
వరి పంట బెల్లంపల్లి మండలంలో 310 ఎకరాలు, తాండూర్లో 55, నెన్నెలలో 140, కోటపల్లిలో 401, చెన్నూర్లో 570, జైపూర్లో 310, మందమర్రిలో 272, మంచిర్యాలలో 75, నస్పూర్లో 75, హాజీపూర్లో 200, దండేపల్లిలో 10, జన్నారంలో 235, లక్సెట్టిపేటలో 30, కన్నెపల్లిలో 10, వేమనపల్లిలో 120, భీమారంలో 21 ఎకరాల్లో పట్ట దెబ్బతిన్నది. పత్తి పంట చెన్నూర్లో 584 ఎకరాలు, జైపూర్లో 70, మందమర్రిలో 134, కన్నెపల్లిలో నాలుగు, భీమారంలో మూడెకరాల్లో నష్టం జరిగింది. జిల్లావ్యాప్తంగా 2,967 మంది రైతులు పంట నష్టపోయారని డీఏవో పేర్కొన్నారు.
