ఎడపల్లి, వెలుగు : మండల కేంద్రంలోని నయాబాదీలో కబ్జాకు గురైన గ్రామ పంచాయతీ స్థలాన్ని సర్పంచ్ కందగట్ల రాంచందర్ ఆధ్వర్యంలో బుధవారం జీపీ పాలక వర్గం స్వాధీనం చేసుకుంది. 2010 లో 285 గజాల స్థలాన్ని గ్రామ పంచాయతీకి కేటాయిస్తూ కలెక్టర్ ఉత్తర్వులు జారీ చేశారని, కానీ అప్పటి గ్రామ పంచాయతీ పాలక వర్గం ఈ స్థలాన్ని స్వాధీనం చేసుకోలేదని సర్పంచ్ తెలిపారు.
బుధవారం కలెక్టర్ ఉత్తర్వుల ప్రకారం గ్రామ పంచాయతీ సెక్రటరీతో కలిసి గ్రామ ఉపసర్పంచ్ గంగాధర్, వార్డు మెంబర్లు ఆ స్థలంలో బోర్డు ఏర్పాటు చేశారు. ఇక నుండి ఈ స్థలంలోకి ఎవరైనా ప్రవేశిస్తే చట్టరీత్యా చర్యలు తీసుకుంటామని సర్పంచ్ తెలిపారు.
