కొచ్చి: ఐపీఎల్ మినీ ఆక్షన్కు మరికొద్ది గంటలే మిగిలి ఉన్న నేపథ్యంలో ఫ్రాంచైజీలకు బీసీసీఐ గుడ్న్యూస్ చెప్పింది. ఇంగ్లండ్ ఆల్రౌండర్ బెన్ స్టోక్స్, సామ్ కరన్, ఆసీస్ ప్లేయర్ కామెరూన్ గ్రీన్ ఐపీఎల్ మొత్తానికి అందుబాటులో ఉంటారని తెలుస్తోంది. సౌతాఫ్రికా, వెస్టిండీస్తో సహా ఇతర దేశాల ప్లేయర్లు ఇప్పటికే మెగా లీగ్కు అందుబాటులో ఉంటారని తెలిసినా.. స్టోక్స్, గ్రీన్పై సందేహాలు నెలకొన్నాయి. ఇప్పుడు ఈ ఇద్దరిపై కూడా క్లారిటీ రావడంతో నేడు కొచ్చిలో జరిగే ఆక్షన్లో వీరిద్దరు హాట్ ఫేవరెట్గా మారారు.
రూ. 2 కోట్ల బేస్ప్రైస్తో వస్తున్న వీళ్ల కోసం 10 ఫ్రాంచైజీలు ఆతృతగా ఎదురుచూస్తున్నాయి. మధ్యాహ్నం రెండున్నర గంటలకు మొదలయ్యే ఆక్షన్లో 87 మంది కోసం ఫ్రాంచైజీలు పోటీపడుతున్నాయి. ఇందులో 30 మంది ఫారిన్ ప్లేయర్లు ఉన్నారు. ఇందుకోసం 991 ప్లేయర్ల నుంచి 369 మందిని షార్ట్ లిస్ట్ చేశారు. ప్రతి ఫ్రాంచైజీ పర్స్ను మరో రూ. 5 కోట్లు పెంచడంతో మొత్తం రూ. 95 కోట్లకు చేరింది. మరోవైపు కొత్తగా తీసుకొచ్చిన ‘ఇంపాక్ట్ ప్లేయర్’ రూల్ను కేవలం ఇండియన్స్కే వర్తింప చేయాలని బీసీసీఐ డిసైడ్ అయ్యింది. ఈ విషయాన్ని ఫ్రాంచైజీలకు కూడా తెలిపింది.
