స్వాతంత్య్ర దినోత్సవం రోజున పిల్లలకు మహనీయుల గురించి చెప్పడమే కాకుండా ఇంటిదగ్గర వాళ్లతో ట్రై కలర్ క్రాఫ్ట్స్ చేయించాలి. చొక్కా లేదా డ్రెస్కి పెట్టుకునే మూడు రంగుల బ్యాడ్జీని వాళ్లతోనే తయారు చేయించాలి. ఇలాచేస్తే పిల్లలకు జెండా పండుగ ఎప్పటికీ గుర్తుండిపోతుంది.
కావాల్సినవి: ఆరెంజ్, వైట్, గ్రీన్ కలర్ పేపర్స్– ఎ4 సైజ్, పెన్సిల్, స్టిక్కీ టేప్, ఫెవికాల్, కత్తెర, సేఫ్టీ పిన్.
తయారీ: ఒక్కో కలర్ పేపర్ని చతురస్రాకారంలో నాలుగు ముక్కలుగా కత్తిరించాలి. ఆ పేపర్ ముక్కల మీద పెన్సిల్తో హార్ట్ సింబల్ గీసి, కత్తెరతో కత్తిరించాలి. వాటిని మధ్యకు మడిచి, గుండ్రని తెల్ల కాగితం మీద ముందుగా ఆరెంజ్, ఆ తర్వాత తెలుపు, చివరగా ఆకుపచ్చపేపర్ ముక్కల్ని అతికించాలి.
అశోక చక్రం కోసం... చిన్నగా గుండ్రంగా కత్తిరించిన వైట్ పేపర్ మీద నీలం రంగు స్కెచ్తో 24 లైన్స్ గీయాలి. దాన్ని మధ్యలో అతికించాలి. తర్వాత వెనకాల సేఫ్టీ పిన్ పెట్టి, ప్లాస్టర్ వేయాలి. ఆరెంజ్, గ్రీన్ కలర్ పేపర్స్ని 10 సెంటీమీటర్ల పొడవు ఉన్న రెండు సన్న ముక్కలుగా కత్తిరించాలి. వాటిని అంతే పొడవు ఉన్న వైట్ పేపర్ మీద అతికించాలి. వీటిని సేఫ్టీ పిన్ కింద రివర్స్ ‘వి’ షేప్లో అతికిస్తే బ్యాడ్జి రెడీ.
