- ఎమ్మెల్యే సంజయ్ కుమార్
జగిత్యాల రూరల్/రాయికల్‌, వెలుగు: గల్ఫ్ కార్మికుల సంక్షేమానికి రాష్ట్ర ప్రభుత్వం కట్టుబడి ఉందని జగిత్యాల ఎమ్మెల్యే సంజయ్‌‌కుమార్‌ అన్నారు. రాయికల్‌‌కు చెందిన గల్ఫ్ కార్మికుడు సుతారి ధర్మయ్య నవంబర్‌‌‌‌లో సౌదీ అరేబియాలో జరిగిన రోడ్డు ప్రమాదంలో చనిపోయాడు. అక్కడి తెలుగు అసోసియేషన్ ఆధ్వర్యంలో అందజేసిన రూ.లక్ష చెక్కును మృతుడి భార్య విమలకు ఎమ్మెల్యే క్యాంప్ ఆఫీసులో ఇచ్చారు. ఈ సందర్భంగా ఎమ్మెల్యే మాట్లాడుతూ సౌదీ అరేబియా తెలుగు అసోసియేషన్ తెలుగు గల్ఫ్ కార్మికులకు చేస్తున్న సేవలు అభినందనీయమని అన్నారు.
గల్ఫ్ కార్మికులు విదేశాల్లో చనిపోతే రాష్ట్ర ప్రభుత్వం రూ.5 లక్షల ఎక్స్‌‌గ్రేషియా అందిస్తుందన్నారు. అనంతరం మున్సిపల్ ఆఫీసులో అభివృద్ధి పనులపై అధికారులతో రివ్యూ మీటింగ్‌ నిర్వహించారు. కార్యక్రమంలో కమిషనర్ స్పందన, పబ్లిక్ హెల్త్ ఈఈ సంపత్, ఆనంద్, వరుణ్, తెలుగు అసోసియేషన్ రియాద్ అధ్యక్షుడు మచ్చ శ్రీనివాస్, నవీన్, క్రాంతి, తదితరులు పాల్గొన్నారు.
