ఎన్నికల ప్రచార ఖర్చులను పకడ్బందీగా నమోదు చేయాలి : ఇన్‌‌చార్జి కలెక్టర్ గరిమా అగ్రవాల్

•  ఇన్‌‌చార్జి కలెక్టర్ గరిమా అగ్రవాల్ 

రాజన్న సిరిసిల్ల, వెలుగు: గ్రామ పంచాయతీ ఎన్నికల ప్రచారం కోసం అభ్యర్థులు చేసే ఖర్చును పకడ్బందీగా నమోదు చేయాలని జిల్లా ఎన్నికల అధికారి, ఇన్‌‌చార్జి కలెక్టర్ గరిమా అగ్రవాల్ ఆదేశించారు. అభ్యర్థుల ఖర్చుల వివరాల నమోదుపై సిరిసిల్ల కలెక్టరేట్‌‌లో శుక్రవారం సహాయ వ్యయ పరిశీలకుల(ఏఈవో)కు శిక్షణ ఇచ్చారు. ఈ సందర్భంగా ఆమె మాట్లాడుతూ అభ్యర్థులు ఖర్చు విషయమై రిజిస్టర్లు నిర్వహించాలని ఆదేశించారు. ప్రతి సర్పంచ్, వార్డు సభ్యులు సపరేట్‌‌గా బ్యాంక్ ఖాతా ఓపెన్ చేయాలన్నారు. 

5 వేల కంటే ఎక్కువ జనాభా ఉన్న గ్రామ అభ్యర్థి వ్యయ పరిమితి రూ. 2.50లక్షలు, అంతకన్నా తక్కువ ఉంటే రూ.1.50లక్షలు అని అన్నారు. అంతకుముందు ఎన్నికల నిర్వహణ ఏర్పాట్లలో భాగంగా మొదటి ర్యాండమైజేషన్‌‌ పూర్తి చేసినట్లు కలెక్టర్‌‌‌‌ తెలిపారు. ఆయా కార్యక్రమాల్లో వ్యయ పరిశీలకుడు రాజ్‌‌కుమార్‌‌‌‌, నోడల్ అధికారి శేషాద్రి, డీపీవో షరీఫుద్దీన్, జడ్పీ సీఈవో వినోద్ కుమార్, డిప్యూటీ సీఈవో గీత, ఏవో రాంరెడ్డి, ఈడీఎం శ్రీనివాస్ పాల్గొన్నారు.

అబ్దుల్ కలాం స్ఫూర్తితో ఎదగాలి

అబ్దుల్ కలాం స్ఫూర్తితో విద్యార్థులు ఉన్నత స్థాయికి ఎదగాలని ఇన్‌‌చార్జి కలెక్టర్ గరిమా అగ్రవాల్ పిలుపునిచ్చారు. సిరిసిల్ల జిల్లా కేంద్రంలోని గీతానగర్ జడ్పీ హైస్కూల్‌‌లో శుక్రవారం వికసిత్, ఆత్మ నిర్భర్ భారత్‌‌లో భాగంగా విద్యార్థుల జిల్లా స్థాయి ఇన్ స్పైర్ సైన్స్‌‌ఫెయిర్‌‌‌‌ నిర్వహించారు. ఈ సందర్భంగా ఇన్‌‌చార్జి కలెక్టర్ మాట్లాడుతూ విద్యార్థులు తరగతిలో నేర్చుకున్న పాఠ్యాంశాలపై ప్రయోగాలు చేయాలని సూచించారు.