హైదరాబాద్ నగర శివారులో దారుణం జరిగింది. బాలాపూర్ పోలీస్ స్టేషన్ పరిధిలో రౌడిషీటర్ పై గుర్తు తెలియని వ్యక్తులు కత్తులతో దాడి చేసి అతికిరాతకంగా హత్య చేసిన ఘటన స్థానికంగా కలకలం రేపుతుంది. బాలాపూర్ పోలీస్ స్టేషన్ పరిధిలోని వాదియే ముస్తఫా షేహిన్ నగర్ లో ముబారఖ్ సిగార్ అనే రౌడిషీటర్ పై గుర్తు తెలియని వ్యక్తులు అతికిరాతకంగా దాడి చేశారు. మర్మంగాలు కట్ చేసి వంటిపై అనేక సార్లు పొడిచి అతి దారుణంగ హత్య చేశారు. సమాచారం తెలుసుకున్న పోలీసులు ఘటనా స్థలానికి చేరుకొని మృతదేహాన్ని పోస్టుమార్టం నిమిత్తం ఉస్మానియా మార్చరికి తరలించారు. కేసు నమోదు చేసుకొని దర్యాప్తు చేస్తున్నామని బాలాపూర్ పోలీసులు తెలిపారు.
