జోరుగా ప్రాక్టీస్‌‌.. వన్డే సిరీస్‌‌పై టీమిండియా ఫోకస్

జోరుగా ప్రాక్టీస్‌‌.. వన్డే సిరీస్‌‌పై టీమిండియా ఫోకస్

రాంచీ: సౌతాఫ్రికాతో టెస్టు సిరీస్‌‌లో ఘోరంగా ఓడిన టీమిండియా ఇప్పుడు వన్డే సిరీస్‌‌పై ఫోకస్ పెట్టింది. మూడు వన్డేల సిరీస్‌‌లో భాగంగా ఆదివారం జరిగే తొలి మ్యాచ్ కోసం ముమ్మరంగా ప్రాక్టీస్ చేస్తోంది. రాంచీలోని జేఎస్‌‌సీఏ స్టేడియంలో వరుసగా రెండో రోజు టీమిండియా ప్లేయర్లు చెమటలు చిందించారు.  శుక్రవారం జరిగిన సెషన్‌‌లో స్టార్ ప్లేయర్లు విరాట్ కోహ్లీ, రోహిత్ శర్మతో పాటు జట్టంతా నెట్స్‌‌లో ప్రాక్టీస్ చేసింది. ముందుగా గ్రౌండ్‌‌లో వామప్స్‌‌ చేసి  క్యాచింగ్‌‌ సెషన్‌‌లో పాల్గొన్న ప్లేయర్లు తర్వాత నెట్స్‌‌లోకి వెళ్లారు. ఇండియాకంటే ముందుగా  గ్రౌండ్‌‌లోకి వచ్చిన సౌతాఫ్రికా దాదాపు రెండు గంటల పాటు సాధన చేసింది. ఆ టీమ్ ప్రధాన బ్యాటర్లు నెట్స్‌‌లో ఫాస్ట్ బౌలింగ్‌‌ను ఎదుర్కోవడంపై దృష్టి పెట్టారు.  

ధోనీ కారులో కోహ్లీ చక్కర్లు

వన్డే మ్యాచ్‌‌  కోసం రాంచీ చేరుకున్న విరాట్ కోహ్లీకి మాజీ కెప్టెన్‌‌ ధోనీ రాంచీలోని తన ఇంట్లో డిన్నర్ ఇచ్చాడు. రిషబ్ పంత్ కూడా డిన్నర్‌‌‌‌కు అటెండ్ అయినట్టు తెలుస్తోంది. అనంతరం మహీ తన రేంజ్‌‌రోవర్ కారును స్వయంగా డ్రైవ్ చేస్తూ కోహ్లీని హోటల్ దగ్గర డ్రాప్ చేశాడు. ఇందుకు సంబంధించిన ఫొటోలు, వీడియోలు సోషల్ మీడియాలో వైరల్ అవుతున్నాయి.