- సీసీ ఫుటేజీలో రికార్డయిన దృశ్యాలు
ఇబ్రహీంపట్నం, వెలుగు: రంగారెడ్డి జిల్లా ఇబ్రహీంపట్నం పరిధిలో దొంగలు రెచ్చిపోతున్నారు. ఆలయాలే టార్గెట్గా చోరీలు చేస్తున్నారు. ఆదివారం దండు మైలారంలోని అయ్యప్ప గుడిలో దొంగతనం జరగగా, ఈ ఘటన మరవకముందే మరో రెండు ఆలయాల్లో చోరీ జరిగింది. సోమవారం ఇబ్రహీంపట్నం మండలం పోల్కంపల్లిలోని పెద్దమ్మ -గంగాదేవి ఆలయంతోపాటు రామాలయంలోకి ప్రవేశించిన దుండగులు దేవుళ్లకు దండం పెట్టి, తాళలను కట్టర్తోపగలగొట్టారు. అనంతరం ఈ రెండు ఆలయాల్లో దాదాపు రూ.5 లక్షల విలువైన విగ్రహాలను, హుండీ డబ్బులను ఎత్తుకెళ్లాడు.
మంగళవారం ఆలయ నిర్వాహకులు ఇచ్చిన ఫిర్యాదుతో ఇబ్రహీంపట్నం పోలీసులు కేసు నమోదు చేసి దర్యాప్తు చేస్తున్నారు. చోరీ జరిగిన ఆలయాలను సీఐ మహేందర్ రెడ్డి పరిశీలించారు. దొంగ ఆలయంలోకి ప్రవేశించి, సంచితో బయటకు వెళ్తున్న దృశ్యాలు ఆలయ సీసీ కెమెరాల్లో రికార్డయ్యాయి. వాటి ఆధారంగా దొంగను పట్టుకునేందుకు పోలీసులు
యత్నిస్తున్నారు.
