అమెరికాలోని న్యూయార్క్ నగరంలో ఘోర అగ్నిప్రమాదం జరిగింది. అపార్ట్మెంట్లో మంటలు చెలరేగి 19 మంది మృతి చెందారు. మృతుల్లో 9 మంది పిల్లలు ఉన్నారు. సుమారు 60 మంది గాయపడ్డట్లు తెలుస్తోంది. మరో 13 మంది పరిస్థితి విషమంగా ఉన్నట్లు అధికారులు తెలిపారు. 19 అంతస్తులున్న అపార్ట్మెంట్లో రెండు, మూడో అంతస్తులో మంటలు వ్యాపించాయి. దీంతో అపార్ట్మెంట్ మొత్తం దట్టమైన పొగతో నిండిపోయింది. చాలా మంది ఊపిరాడక అస్వస్థతకు గురయ్యారు. దాదాపు 200 ఫైరింజన్లు ఘటనాస్థలానికి చేరి మంటలు ఆర్పాయి.
