ఖిలా వరంగల్ ( కరీమాబాద్), వెలుగు: పట్టణంలోని ఉర్సుగుట్ట వద్ద ఆకుతోట కన్వెన్షన్ లో కివి పబ్లిక్ స్కూల్ 24వ యాన్యువల్ డే సెలబ్రేషన్స్ శనివారం వైభవంగా జరిగాయి. కార్యక్రమానికి పాఠశాల వ్యవస్థాపకులు, ప్రిన్సిపల్ దాసి సతీశ్మూర్తి హాజరై మాట్లాడుతూ పేద, మధ్యతరగతికి చెందిన విద్యార్థుల కోసం చక్కటి పునాది ఏర్పాటు చేసే దిశలో పాఠశాల శిక్షణ వారికి అందుబాటులో ఉందన్నారు.
ముఖ్య అతిథిగా హాజరైన కాజీపేట రైల్వే సీఐ వడ్డే నరేశ్కుమార్ మాట్లాడుతూ పిల్లలతో క్రమశిక్షణ, పట్టుదల, ఆత్మధైర్యం నింపేలా పాఠశాల పనిచేయడం అభినందనీయమన్నారు. కార్యక్రమంలో నడిపెల్లి వెంకటేశ్వరావు, రాష్ట్ర జనరల్ సెక్రటరీ, వైస్ ప్రిన్సిపల్ అన్నదేవర ప్రవీణ్ కుమార్, పాఠశాల డైరెక్టర్ దాసిరజని తదితరులు పాల్గొన్నారు.
