పాలమూరులో 26 మంది, 43 సెట్లు దాఖలు

ముగిసిన నామినేషన్ల పర్వం
నాగర్కర్నూల్లో 34 మంది, 53 నామినేషన్ సెట్లు దాఖలు

మహబూబ్నగర్, వెలుగు: లోక్సభ ఎన్నికల సందర్భంగా ఈ నెల 18 నుంచి ప్రారంభమైన నామినేషన్ స్వీకరణ కార్యక్రమం గురువారంతో ముగిసింది. మహబూబ్నగర్ పార్లమెంట్ స్థానానికి 26 మంది క్యాండిడేట్లు 43 సెట్ల నామినేషన్లుదాఖలు చేయగా, నాగర్కర్నూల్లో 34 మంది అభ్యర్థులు 53 సెట్ల నామినేషన్లు వేశారు. శుక్రవారం స్ర్కూటిని నిర్వహంచనున్నారు. ఈ నెల 29 వరకు నామినేషన్ల ఉపసంహకరణకు టైమ్ ఇచ్చారు.

నామినేషన్లు దాఖలు చేసింది వీరే..

నామినేషన్ల స్వీకరణ మొదటి రోజే ఎంపీ లక్ష్మణ్తో బీజేపీ క్యాండిడేట్ డీకే అరుణ రెండు సెట్ల నామినేషన్లు దాఖలు చేశారు. చివరి రోజు ఆమె తరపున మరో రెండు సెట్ల నామినేషన్లు ఫైల్ చేశారు. దీంతో మొత్తం నాలుగు సెట్ల నామినేషన్లు దాఖలయ్యాయి. కాంగ్రెస్ క్యాండిడేట్ చల్లా వంశీచంద్రెడ్డి ఈ నెల 19న రెండు సెట్ల నామినేషన్లుఫైల్ చేయగా, కార్యక్రమానికి సీఎం రేవంత్ రెడ్డి అటెండ్ అయ్యారు. 22న ఆయన తరపున మరో సెట్ నామినేషన్ ఫైల్ చేశారు. దీంతో మూడు సెట్ల నామినేషన్లు దాఖలుచేశారు.

19న సిట్టింగ్ ఎంపీ, బీఆర్ఎస్ క్యాండిడేట్ మన్నె శ్రీనివాస్ రెడ్డి తరపున ఒక సెట్ నామినేషన్ను దాఖలు చేయగా, చివరి రోజు ఎంపీ మాజీ మంత్రులు సి.లక్ష్మారెడ్డి, వి.శ్రీనివాస్గౌడ్, మాజీ ఎమ్మెల్యే ఆల వెంకటేశ్వర్ రెడ్డి, ఎస్.రాజేందర్ రెడ్డి, చిట్టెం రాంమోహన్ రెడ్డితో కలిసి మూడు సెట్ల నామినేషన్లు దాఖలు చేశారు. దీంతో నాలుగు సెట్ల నామినేషన్లు దాఖలు చేసినట్లైంది.

బీఎస్పీ నుంచి మహ్మద్ అలావుద్దీన్, ఏఐఎంఐఎం నుంచి షేక్ బాషా, బహుజన్ ముక్తి పార్టీ నుంచి రహ్మాన్, తెలంగాణ జాగీర్ పార్టీ నుంచి ఎన్ నరేశ్ రెడ్డి, సోషల్ జస్టిస్ పార్టీ నుంచి బి.రవీందర్, విడుతలై చిరుతైగల్ కచ్చి (వీఎస్కే) పార్టీ నుంచి కె.శంకర్రెడ్డి ఒక్కోసెట్ చొప్పున, ధర్మ సమాజ్ పార్టీ నుంచి జి.రాకేశ్ మూడు సెట్ల నామినేషన్లు ఫైల్ చేశారు. ఇండిపెండెంట్ క్యాండిడేట్లుగా ఇంతియాజ్, ఉమాశంకర్, కె.హనుమేశ్, వి.గోవిందమ్మ, వెంకటరమణ, సబావత్ శ్రీనివాస్, పి.సందీప్ కుమార్ రెడ్డి, గంబావత్ దినేశ్, సబావత్ విజయ, నడిమింటి శ్రీనివాసులు ఒక్కో సెట్ చొప్పున, మల్లెల హరీందర్ రెడ్డి, కారుకొండ శ్రీనివాసులు, సత్యనారాయణ, ఎస్.సరోజమ్మ, టి.విష్ణువర్ధన్రెడ్డి రెండు సెట్ల చొప్పున, కె.రామలింగప్ప మూడు సెట్ల నామినేషన్లు దాఖలు చేశారు.

చివరి రోజు జోరుగా..

నాగర్ కర్నూల్: నాగర్కర్నూల్లో 34 మంది అభ్యర్థులు 53 నామినేషన్లు దాఖలు చేశారు. ఇక చివరి రోజు గురువారం 19 మంది అభ్యర్థులు 30 నామినేషన్లు వేయగా, రాత్రి 8 గంటల వరకు ఈ ప్రక్రియ కొనసాగింది.చివరి రోజు బీజేపీ క్యాండిడేట్ పోతుగంటి భరత్ ప్రసాద్, బీఎస్పీ నుంచి మంద జగన్నాథ్, బీసమోల్ల యూసుఫ్, ఇండిపెండెంట్లు నామినేషన్లు అందజేశారు.

యూసీసీఆర్ఐ తరపున బుద్దుల శ్రీనివాసులు, బీఎల్ఎఫ్ అభ్యర్థిగా పంబలి రామస్వామి, బీఎంపీ నుంచి గడ్డం విజయ్కుమార్, జై భారత్ పార్టీ నుంచి గుండె రమేశ్ చంద్ర, ఇండిపెండెంట్లుగాపులిజాల బాలయ్య, నేడిగొండ కృష్ణయ్య, గాలిముడి గీత, చిన్నపాక రాములు, బాకీ బాలరాజు, భారతి దాసరి, మాల దిలీప్ కుమార్, నక్క పాపయ్య, టి.ప్రభుదాస్, గడుసు అరుణ్కుమార్, లంద భిక్షపతి, ఆర్పీపీతరపున అయ్యప్ప సునీల్, పకీర రాములు నామినేషన్లు వేశారు. బీఆర్ఎస్ క్యాండిడేట్ ఆర్ఎస్పీ తరపున కల్వకుర్తి మాజీ ఎమ్మెల్యే జైపాల్ యాదవ్, బీఆర్ఎస్ లీడర్లు రంగినేని అభిలాశ్రావు నామినేషన్ అందించారు. చివరి రోజు నామినేషన్లు దాఖలు చేసేందుకు అభ్యర్థులు ఎక్కువ మంది రావడంతో 3 గంటల వరకు వచ్చిన వారికి టోకెన్లు ఇచ్చారు.