వేములవాడ, వెలుగు: వేములవాడ రాజరాజేశ్వర స్వామి దేవస్థానంలో నిర్వహించిన వివిధ హక్కుల వేలం ద్వారా రూ. 5,38,75,000 ఆదాయం వచ్చింది. దేవస్థానంలో భక్తులకు బెల్లం, పూజ సామగ్రి విక్రయించేందుకు గతంలో రూ. 1.7 కోట్లు ఉండగా వేలంలో ఇద్దరు పాల్గొనగా సీల్డ్కవర్లో ముగ్గురు టెండర్లు వేశారు. కుసుమ అనిల్రూ.1,87,20,000కు హక్కులు దక్కించుకున్నారు. ప్రధాన దేవాలయంలో కొబ్బరి ముక్కలు పొందేందుకు గతంలో రూ. 1.11 కోట్లు ఉండగా రూ.1.1 కోట్లకు పులి రవికుమార్ గౌడ్, అనుబంధ ఆలయంలో కొబ్బరి ముక్కలు పోగు చేసుకునేందుకు గతంలో రూ.65.55 లక్షలు ఉండగా పులి రవికుమార్గౌడ్రూ.81.55 లక్షలకు, ప్రధాన దేవాలయం, అనుబంధ ఆలయాల్లో భక్తులు సమర్పించిన ఓడి బియ్యం పొందేందుకు గతంలో రూ. 48.8 లక్షలు ఉండగా రూ. 1.35 కోట్లకు ఎం. నరేశ్, దేవాలయం బిల్డింగ్లో వ్యాపార నిర్వహణకు గతంలో రూ. 15 లక్షలు ఉండగా రూ. 25 లక్షలకు గోరంట్ల స్పప్న హక్కులను దక్కించుకున్నారు. 2023 జనవరి 7 నుంచి రెండేళ్ల వరకు టెండర్దక్కించుకున్నవారికి హక్కు ఉంటుంది. కార్యక్రమంలో ఈవో కృష్ణప్రసాద్, డీఈ రఘునందన్, సూపరింటెండెంట్లు గోలి శ్రీనివాస్, శ్రీరాములు, రవీందర్, నరేందర్ పాల్గొన్నారు.
