ఛత్తీస్‌గఢ్‌లో ఘోర రోడ్డు ప్రమాదం జరిగింది. రాష్ట్ర రాజధాని రాయ్‌పూర్‌‌లో శనివారం తెల్లవారుజామున జరిగిన ఘోర రోడ్డు ప్రమాదంలో ఏడుగురు మృతిచెందారు. ఒరిస్సాలోని గంజామ్ ప్రాంతం నుంచి గుజరాత్‌లోని సూరత్‌కు కూలీలను తీసుకువెళుతున్న బస్సును ట్రక్కు ఢీకొట్టింది. ఆ సమయంలో బస్సులో 59 మంది ప్రయాణిస్తున్నారు. ప్రమాదంలో ఏడుగురు చనిపోగా.. మరో ఏడుగురు తీవ్రంగా గాయపడ్డారు. క్షతగాత్రులను స్థానికంగా ఉన్న అంబేద్కర్ ఆసుపత్రికి తరలించారు. కూలీలంతా గుజరాత్‌లోని ఓ బట్టల తయారీ కంపెనీలో పని చేసే వారిగా పోలీసులు గుర్తించారు. లాక్‌డౌన్‌లో స్వగ్రామాలకు వచ్చి .. అన్ లాక్ ప్రక్రియ మొదలుకావడంతో వీరంతా తిరిగి పరిశ్రమకు వెళ్తుండగా ఈ దుర్ఘటన జరిగిందని ఎస్పీ అజయ్ యాదవ్ తెలిపారు. రాంగ్ రూట్‌లో వేగంగా వచ్చిన ట్రక్ ఢీకొట్టడం వల్లే ఈ ప్రమాదం జరిగిందని సమాచారం.
For More News..
