- గుంపుగా ఏర్పడి చొరబడిన ‘డిజిటల్ స్వార్మ్’
- దర్యాప్తులో విస్తుపోయే నిజాలు
శాన్ఫ్రాన్సిస్కో: ఆర్టిఫిషియల్ ఇంటెలిజెన్స్ (ఏఐ) రంగంలో సరికొత్త భద్రతా ముప్పు వెలుగుచూసింది. ప్రముఖ ఓపెన్ సోర్స్ డెవలపర్ ప్లాట్ఫామ్ ‘హగ్గింగ్ ఫేస్’ పై దాదాపు 700 స్వయంప్రతిపత్తి కలిగిన ఏఐ ఏజెంట్లు సమన్వయంతో సైబర్ దాడికి పాల్పడ్డాయి. ఇవి ఒక ‘డిజిటల్ సమూహం’లా కలిసికట్టుగా దాడి చేయడమే కాకుండా, తమ ఆనవాళ్లు దొరకకుండా ఆధారాలను సైతం చెరిపివేసేందుకు యత్నించినట్టు పరిశోధకులు గుర్తించారు. ఈ ఘటనపై ప్రముఖ పరిశోధనా సంస్థలు ఎంఈటీఆర్, రెడ్వుడ్ రీసెర్చ్లతో కలిసి ఓపెన్ ఏఐ సమగ్ర దర్యాప్తు చేపట్టి నివేదిక విడుదల చేసింది.
రహస్య కమ్యూనికేషన్
ఎలాంటి నిఘా లేని అంతర్గత ప్లాట్ఫామ్ల ద్వారా ఈ ఏజెంట్లు వేలాది సందేశాలను పరస్పరం మార్పిడి చేసుకుంటూ దాడికి వ్యూహరచన చేశాయి. జులై 19న అంతర్గత పరీక్షా పరిమితులను ఛేదించి కంప్యూటింగ్ వ్యవస్థల్లోకి చొరబడ్డాయి. అదే సమయంలో క్లౌడ్ సిస్టమ్స్ క్రెడెన్షియల్స్ను తస్కరించి కీలక కాన్ఫిగరేషన్లను మార్చేశాయి.
