రాత్రివేళ ఆరుబయట నిద్రిస్తున్న నాలుగేళ్ల చిన్నారిని ఓ ఆగంతకుడు ఎత్తుకెళ్లబోయాడు. పంజాబ్ రాష్ట్రం లూథియానాలో జరిగిందీ సంఘటన. దీనికి సంబంధించిన దృశ్యాలు సీసీ కెమెరాలో రికార్డ్ అయ్యాయి. స్థానికంగా ఉన్న రిషినగర్ లో ఓ కుటుంబం ఇంటి ముందు నిద్రిస్తుండగా.. ఓ గుర్తు తెలియని వ్యక్తి రిక్షా సైకిల్ తో వారి సమీపానికి వచ్చాడు. మంచం మీద నిద్రపోతున్న పాపను తన రిక్షా మీద పడుకోబెట్టి తీసుకెళ్లబోయాడు.
పక్కనే మరో మంచంపై నిద్రిస్తున్న మహిళ ఆ అలికిడి విని వెంటనే అతడి నుంచి ఆ బిడ్డను లాక్కుంది. ఇంటి లోపల నిద్రిస్తున్న మిగతా కుటుంబ సభ్యుల్ని కూడా లేపి అతని గురించి తెలిపింది. కుటుంబ సభ్యులు, స్థానికులు ఆ ఆగంతకుడిని పట్టుకొని పోలీసులకు అప్పగించారు. పోలీసులు అతన్ని అరెస్ట్ చేసి విచారణ జరుపుతున్నారు.
#WATCH Punjab: A man attempts to steal a 4-year-old child while she was sleeping with her family members outside her residence in Ludhiana’s Rishi Nagar area. However, the attempt was foiled as family members woke up and rescued the child. The accused has been arrested. (17.09) pic.twitter.com/DB6ZfXnSt7
— ANI (@ANI) September 18, 2019
