వాగు దాటుతుండగా భార్య ఎదుటే భర్త గల్లంతయ్యాడు. వరంగల్ జిల్లా నెక్కొండ మండలం మడిపల్లి గ్రామానికి చెందిన భార్యాభర్తలు బుక్య ముత్యాలు, శంకర్(62) బుధవారం మధ్యాహ్నం పొలం పనులకు బయలుదేరారు. దారి మధ్యలో ఉన్న వట్టేవాగులో నీటి ప్రవాహం ఎక్కువగా ఉండడంతో శంకర్ ముందుగా ముత్యాలును ఒడ్డుకు చేర్చాడు. అనంతరం శంకర్ వెనక్కి వచ్చి పొలం పనులకు సంబంధించిన సామగ్రి తీసుకుని వాగు దాటుతుండగా నీటి ప్రవాహం పెరిగింది. దాంతో వాగులో కొట్టుకుపోయాడు. ముత్యాలు అరుపులు విని తండావాసులు వచ్చి గాలింపు చర్యలు చేపట్టినా ఫలితం లేకపోయింది. పోలీసులు కేసు దర్యాప్తు చేస్తున్నారు.
