న్యూఢిల్లీ: ఆరేండ్ల పిల్లాడు యాక్సిడెంట్లో తీవ్రంగా గాయపడ్డాడు. ఆస్పత్రికి తీసుకెళ్తే డాక్టర్లు బ్రెయిన్ డెడ్ అని చెప్పడంతో తల్లిదండ్రులు కన్నీరుమున్నీరయ్యారు. ఆ పరిస్థితిలోనూ దు:ఖాన్ని దిగమింగి, కొడుకు అవయవాలను దానం చేశారు. తమ కొడుకు వల్ల మరికొందరి ప్రాణం నిలబడుతుందంటే, అంతకంటే ఏం కావాలని చెప్పారు. ఈ నెల 15న జరిగిన రోడ్డు ప్రమాదంలో ఆరేండ్ల పిల్లాడి తలకు తీవ్ర గాయమైంది. తల్లిదండ్రులు ఢిల్లీలోని ఎయిమ్స్కు తీసుకొచ్చారు. అక్కడి ట్రామా సెంటర్లో ట్రీట్ మెంట్ అందించిన డాక్టర్లు.. బ్రెయిన్ డెడ్గా ప్రకటించారు. తల్లిదండ్రులకు విషయం చెప్పి, అవయవ దానంపై అవగాహన కల్పించారు. పిల్లాడి అవయవాలతో మరికొందరి ప్రాణం నిలబడుతుందని చెప్పారు. దీంతో అవయవ దానానికి పిల్లాడి తల్లిదండ్రులు ఒప్పుకున్నారు.
ఇద్దరికి పునర్జన్మ..
ఈ పిల్లాడి అవయవాలను ఇద్దరికి అమర్చినట్లు ఎయిమ్స్ డాక్టర్లు చెప్పారు. ‘‘పిల్లాడు ఒక్కటే కిడ్నీతో పుట్టాడని టెస్టుల్లో గుర్తించాం. దానిని మరో బాలుడికి అమర్చినం. ఇక లివర్ను 16 ఏండ్ల బాలుడికి ట్రాన్స్ ప్లాంట్ చేసినం” అని డాక్టర్ దీపక్ గుప్తా చెప్పారు.
