నిజామాబాద్ జిల్లాలోని మెడికల్ కాలేజీలో దారుణం జరిగింది. ఫైనలియర్ స్టూడెంట్ దాసరి హర్ష హాస్టల్ రూంలో ఉరేసుకుని ఆత్మహత్య చేసుకున్నాడు. మృతుడు కొద్దిరోజులుగా వెన్నెముక సమస్యలతో తీవ్రంగా బాధపడుతున్నట్లు తెలుస్తోంది. ఘటనాస్థలానికి చేరుకున్న వన్ టౌన్ పోలీసులు కేసు నమోదు చేసుకుని దర్యాప్తు చేస్తున్నారు. ఇదిలా ఉంటే విద్యార్థి ఆత్మహత్యపై అతని కుటుంబ సభ్యులు, బంధువులు అనుమానం వ్యక్తం చేస్తున్నారు. కాగా దాసరి హర్ష స్వస్థలం ఆదిలాబాద్ జిల్లా జన్నారం మండలం చింతగూడ గ్రామం.
