- గురుకుల స్టూడెంట్కు పాముకాటు
- రాత్రి కరిస్తే.. తెల్లారి ఆస్పత్రికి తీసుకెళ్లిన సిబ్బంది
- కండిషన్ సీరియస్గా ఉన్నా పట్టించుకోని ప్రిన్సిపల్
కొత్తకోట, వెలుగు : వనపర్తి జిల్లా కొత్తకోట పట్టణంలోని వీపనగండ్ల గురుకుల పాఠశాలలో శనివారం రాత్రి ఓ స్టూడెంట్కు పాము కరిచి కోమాలోకి వెళ్లిపోయాడు. స్టూడెంట్ తండ్రి పరమేశ్ తెలిపిన వివరాల ప్రకారం.. పాన్గల్ మండలం బాద్రుగూడెం గ్రామానికి చెందిన మహేందర్ వీపనగండ్ల గురుకుల పాఠశాలలో టెన్త్ చదువుతున్నాడు. రాత్రి అన్నం తిని పడుకున్న మహేందర్ను 10 గంటలకు పాము కాటు వేయడంతో అక్కడ ఉన్న స్టూడెంట్లు ప్రిన్సిపల్దయాకర్కు సమాచారం అందించారు. అయితే ప్రిన్సిపల్ ఎలాంటి ట్రీట్మెంట్ అందించే ప్రయత్నం చేయకుండా పడుకోమని ఆదేశించాడు.
ALSO READ :గవర్నర్ ఢిల్లీ టూర్
పొద్దున మహేందర్ కండిషన్ సీరియస్ కావడంతో డ్యూటీలో ఉన్న సిబ్బంది వాచ్మన్తో జిల్లా హాస్పిటల్కు తరలించారు. 9 గంటలకు తల్లిదండ్రులకు సమాచారం అందించారు. మహేందర్ పరిస్థితి క్రిటికల్ గా ఉందని డాక్టర్లు చెప్పినా ప్రిన్సిపల్ అక్కడికి రాలేదు. ప్రిన్సిపల్ తీరుపై స్టూడెంట్ తండ్రి పరమేశ్, స్టూడెంట్ సంఘాలు ఆగ్రహం వ్యక్తం చేస్తూ వెంటనే సస్పెండ్ చేయాలని డిమాండ్చేస్తున్నాయి. ప్రిన్సిపల్ను ఫోన్ ద్వారా వివరణ అడిగితే.. అనారోగ్య సమస్యలు ఉన్నందున రాలేదని నిర్లక్ష్యంగా సమాధానం చెప్పారు. కాగా మహేందర్ పరిస్థితి విషమంగా ఉండడంతో హైదరాబాద్హాస్పిటల్కు తరలిస్తున్నట్లు బద్రుగూడెం సర్పంచ్విష్ణు తెలిపారు.
