ప్రభుత్వ స్కూల్లో స్టూడెంట్కు పాము కాటు
హాస్పిటల్కు తరలింపు
రంగారెడ్డి జిల్లా ఎల్కిచర్లలో ఘటన
షాద్ నగర్, వెలుగు : గవర్నమెంట్స్కూల్లో ఓ స్టూడెంట్ను పాము కాటేసింది. రంగారెడ్డి జిల్లా చౌదర్ గూడ మండలం పెద్దఎల్కిచర్ల గ్రామంలోని ప్రభుత్వ ప్రాథమిక పాఠశాలలో ఈ ఘటన చోటు చేసుకుంది. గ్రామానికి చెందిన అనసూయ, రాజు దంపతుల కూతురు అక్షయ(8) స్థానిక ప్రైమరీ స్కూల్లో మూడో తరగతి చదువుతోంది. రోజుమాదిరిగానే మంగళవారం ఉదయం స్కూల్కు వెళ్లిన అక్షయ.. ఇంటర్వెల్ లో టాయిలెట్స్ వైపు వెళ్తూ అక్కడ చెట్లల్లో ఉన్న పాముపై కాలు వేసింది. వెంటనే పాము అక్షయ కాలిపై రెండు చోట్ల కాటేసింది. వెంటనే గమనించిన స్కూల్స్టాఫ్పామును చంపేసి, అక్షయ తల్లిదండ్రులకు సమాచారం ఇచ్చారు. వారు వెంటనే వచ్చి అక్షయను చికిత్సకోసం కొందుర్గ్ ప్రభుత్వ ఆసుపత్రికి తరలించారు.
అక్కడ ఫస్ట్ ఎయిడ్ చేసి, మెరుగైన వైద్యం కోసం నిలోఫర్ కు తీసుకెళ్లారు. కాగా, స్కూల్లో టాయిలెట్స్ శిథిలావస్థకు చేరాయని, గడ్డి మొక్కలు పెరిగి విషపురుగులకు స్థావరంగా మారిందని, సరైన మెయింటెనెన్స్ లేకనే ఈ ఘటన చోటు చేసుకుందని గ్రామస్తులు ఆరోపించారు. అధికారులు స్పందించి స్కూల్లో మౌలిక సదుపాయాలు కల్పించాలని కోరుతున్నారు.
