చైనా పరిశోధకుల బృందం 6 జీ సాయంతో మొదటి సారి వైర్ లెస్ ట్రాన్స్మిషన్ అల్ర్టా హైస్పీడ్ కమ్యూనికేషన్ను సాధించింది. చైనా ఏరోస్పేస్ సైన్స్ అండ్ ఇండస్ట్రీ కార్పొరేషన్ కి చెందిన పరిశోధన బృందం టెరాహెర్జ్ట్ ఆర్బిటల్ యాంగ్యులర్ మొమెంటం కమ్యూనికేషన్ టెక్నాలజీని ఇందుకు ఉపయోగించింది. ఈ టెక్నాలజీ ప్రస్తుతం ఉన్న 5 జీ సేవల కంటే 10–20 రెట్లు వేగవంతమైంది. దీని ఫ్రీక్వెన్సీ 100 గిగా హెడ్జ్ – 10 టెరా హెడ్జ్గా ఉంది. ఈ ప్రయోగంలో 110 గిగా హెడ్జ్ ఫ్రీక్వెన్సీలోని నాలుగు వేర్వేరు బీమ్ నమూనాలను రూపొందించడానికి యాంటెన్నాను ఉపయోగించారు. దాని సాయంతో బ్యాండ్ విడ్త్ వినియోగ సామర్థ్యాన్ని గణనీయంగా పెంచారు.
వేగంగా సమాచార బదిలీ..
ఈ సాంకేతికతతో సమాచారం బదిలీ చేయడంలో వేగం పెరుగుతుంది. ఇది ల్యూనార్, మార్స్ ల్యాండర్ల మధ్య హైస్పీడ్ కమ్యూనికేషన్ జరిగేలా చూస్తుంది. భవిష్యత్తులో, 6Gని ఉపయోగించి పీక్ కమ్యూనికేషన్ వేగం సెకనుకు ఒక టెరాబిట్‌కు చేరుకుంటుంది.
