కరిపూర్ అంతర్జాతీయ విమానాశ్రయం నుంచి దుబాయ్ వెళ్లే ఎయిర్ ఇండియా ఎక్స్‌ప్రెస్ విమానం టేకాఫ్ అయిన గంట తర్వాత విమానం కార్గో హోల్డ్‌లో ఫైర్ వార్నింగ్ లైట్‌ను పైలట్ గమనించాడు. దీంతో విమానాన్ని కన్నూర్‌కు మళ్లించారని విమానాశ్రయ వర్గాలు తెలిపాయి. విమానం- IX 345- సిబ్బందితో సహా 176 మందితో ఆన్‌బోర్డ్‌లో ఉదయం 11:00 గంటలకు కన్నూర్‌లో సురక్షితంగా ల్యాండ్ అయిందని, ప్రయాణీకులందరూ క్షేమంగా ఉన్నారని ఓ నివేదిక తెలిపింది.
కరిపూర్ విమానాశ్రయం నుంచి ఉదయం 9:53 గంటలకు విమానం టేకాఫ్ అయ్యిందని, విమానంలో బయలుదేరిన గంట సమయంలో పైలట్ వార్నింగ్ లైట్‌ను గమనించి కన్నూర్‌కు మళ్లించాలని నిర్ణయించుకున్నారని ఈ నివేదిక వివరించింది. వార్నింగ్ లైట్ తప్పుడు అలారం అని ఎయిర్ ఇండియా ఎక్స్‌ప్రెస్ తెలిపింది. "తప్పుడు అలారంతో, మా కోజికోడ్-దుబాయ్ విమానం కన్నూర్‌కు మళ్లించబడింది. కన్నూర్ నుంచి దుబాయ్‌కి షెడ్యూల్ చేసిన కార్యకలాపాలను కొనసాగించడానికి ప్రత్యామ్నాయ విమానాన్ని ఏర్పాటు చేస్తున్నారు.
Also Read :- వీడిది కడుపా.. ఫ్యాన్సీ షాపా.. : ఇన్ని ఎలా తిన్నాడు వీడు..
"ఎయిర్ ఇండియా ఎక్స్‌ప్రెస్ అతిథులకు జరిగిన ఆలస్యం, అసౌకర్యానికి చింతిస్తున్నాం" అని ఎయిర్‌లైన్ ప్రతినిధి తెలిపారు. షార్జా నుంచి వచ్చే ఎయిర్ ఇండియా ఎక్స్‌ప్రెస్ విమానం త్వరలో కన్నూర్‌లో దిగాల్సి ఉంది. ఇది ప్రయాణీకులను దుబాయ్‌కి తీసుకెళ్లడానికి ఉపయోగించబడుతుందని ప్రతినిధి తెలిపారు.
