ప్రపంచ విమానయాన చరిత్రలోనే అతిపెద్ద రీకాల్ చేపట్టింది ఎయిర్‌బస్ సంస్థ. దీనికి కారణం అక్టోబర్ 30 నుంచి జరుగుతున్న వరుస పరిణామాలేనని తేలింది. పైలట్ కమాండ్ లేకుండానే క్యాన్కన్ నుంచి నెవాడా వెళుతున్న విమానం ఒక్కసారిగా ఎత్తు నుంచి కిందికి రావటంతో దానిని టాంపాకు తరలించారు. ఆ తర్వాత ఈ ఎయిర్‌బస్ A320 విమానాల్లో సాంకేతిక సమస్యపై ఆందోళనలు స్టార్ట్ అయ్యాయి. మంచి పెర్ఫామెన్స్ కలిగిన ఈ విమానం ప్రస్తుతం సమస్యలకు కేంద్రంగా మారింది.
కొన్ని A320-ఫ్యామిలీకి చెందిన విమానాల్లో ఇటీవలి సాఫ్ట్‌వేర్ అప్ డేట్ ఒక సమస్యను సృష్టించిందని తేలింది. ఎక్కువ సోలార్ రేడియేషన్ ఉన్న సమయంలో ఎలివేటర్ అండ్ ఎలిరాన్ కంప్యూటర్లలోకి వెళుతున్న డేటాలో తప్పుడు ఉన్నట్లు గుర్తించబడింది. దీని వల్ల తప్పుడు కమాండ్స్ విమానానికి వెళుతున్నట్లు తేలింది దర్యాప్తులో. సింపుల్ గా చెప్పుకోవాలంటే విమాన సాఫ్ట్ వేర్ మార్పు కొన్ని అనుకోని పరిస్థితుల్లో తప్పిదాలను చూపిస్తోందని తేలింది. అయితే ఈ సమస్య కారణంగా దాదాపు 6వేల ఏ320 విమానాలు ప్రభావితం అయినట్లు వెల్లడైంది.
దీంతో ఎయిర్ బస్ సంస్థ తన 55 ఏళ్ల సుదీర్ఘ ప్రయాణంలో ఎప్పుడూ చూడని స్థాయిలో రీకాలింగ్ చేసింది ఈ మోడల్ విమానాలను. దీనిని పరిష్కరించటానికి సాఫ్ట్ వేర్ అప్డేట్ తీసుకొచ్చినట్లు విమానయాన సంస్థలు వెంటనే దీనిని తమ A318, A319, A320, A321 మోడల్ విమానాల్లో ఇన్టలేషన్ పూర్తి చేయాలని సూచించారు. విమానం రవాణాలో ఉంటే తర్వాత షెడ్యూల్ స్టార్ట్ కావటానికి ముందు దీనిని పూర్తి చేయాలని దీనిని కనీసం రెండు గంటల వరకు సమయం పడుతుందని కంపెనీ చెబుతోంది. ప్రస్తుతం ప్రభావిత విమానాల్లో పాత సాఫ్ట్ వేర్ కి మారటం లేదా కొత్తగా ఇచ్చిన అప్డేట్ రన్ చేయటం వంటి ఆప్షన్స్ ఉన్నాయి.
దీంతో భారతదేశంలోనే కాకుండా ప్రపంచ వ్యాప్తంగా అనేక విమానయాన సంస్థలు ఒకే సమయంలో వేల సంఖ్యలో విమానాల ఆలస్యాలను చూస్తున్నాయి. అమెరికన్ ఎయిర్ లైన్స్ కూడా 340 విమానాలు ఇదే సమస్యతో ఉన్నట్లు పేర్కొంది. నిప్పాన్ ఎయిర్వేస్, ఎయిర్ న్యూజిలాండ్, లుఫ్తాన్సా, డెల్టా, హవాయిన్ ఎయిర్ వేర్, ఇండిగో, ఎయిర్ ఇండియా సహా అనేక సంస్థలు తమ విమానాల్లోనూ ఈ సమస్యలు ఉన్నట్లు గుర్తించాయి. కొన్ని కంపెనీలు తాత్కాలికంగా టిక్కెట్ల విక్రయాన్ని రద్దు చేసి ముందుగా సమస్య పరిష్కారంపై ఫోకస్ పెడుతున్నాయి.
