- అలయ్ బలయ్ సంబురం
- బండారు విజయలక్ష్మి ఆధ్వర్యంలో నాంపల్లి ఎగ్జిబిషన్గ్రౌండ్లో నిర్వహణ
- హాజరైన నాలుగు రాష్ట్రాల గవర్నర్లు, కేంద్రమంత్రులు
- దసరా పేరుతో అందరిని ఒకే వేదికపై రావడం శుభపరిణామమని వ్యాఖ్య
హైదరాబాద్ : హిందూ సంప్రదాయాలకు ప్రతీక ఆలయ్ బలయ్ కార్యక్రమం అని ప్రముఖులు కొనియాడారు. బండారు విజయలక్ష్మి ఆధ్వర్యంలో నాంపల్లి ఎగ్జిబిషన్ గ్రౌండ్లో అలయ్ బలయ్ కార్యక్రమం నిర్వహించారు. కేంద్ర మంత్రులు మీనాక్షి లేఖి, మురళీధరన్, కిషన్రెడ్డి, హిమాచల్ప్రదేశ్ గవర్నర్ బండారు దత్తాత్రేయ, మిజోరాం గవర్నర్ హరిబాబు, గుజరాత్ గవర్నర్ ఆచార్య దేవ్ రాత్, జార్ఖండ్ గవర్నర్ రాధాకిషన్, కేంద్ర రైల్వే శాఖ సహాయ మంత్రి రావు సాహెబ్ పాటిల్ దన్వే, రాజ్యసభ సభ్యుడు లక్ష్మణ్, ఎంపీ , సినీ రచయిత విజయేంద్ర ప్రసాద్, బీఆర్ఎస్ ఎంపీ కె కేశవ రావు, మాజీ ఎంపీలు వివేక్వెంకటస్వామి, బూర నర్సయ్య గౌడ్, మాజీ గవర్నర్ విద్యా సాగర్ రావు, కాంగ్రెస్ సీనియర్ నేత జానారెడ్డి, రాష్ట్ర మంత్రి తలసాని శ్రీనివాస్ యాదవ్ తదితర ప్రముఖులు హాజరయ్యారు.
హిందూ సంప్రదాయాలకు ప్రతీక
ఈ సందర్భంగా కిషన్రెడ్డి మాట్లాడుతూ దసరా తర్వాత గత 17 ఏండ్లుగా హిందూ సంప్రదాయం ప్రకారం ఈ కార్యక్రమం జరుగుతుంది. అలయ్– బలయ్ లేకుండా హైదరాబాద్ లో దసరా పూర్తి అయినట్టు కాదు. తెలంగాణ వంటకాలను దత్తాత్రేయ గత 17 ఏండ్లుగా అందిస్తున్నారు’ అని కిషన్రెడ్డి తెలిపారు. రాజ్యసభ సభ్యుడు లక్ష్మణ్ మాట్లాడుతూ దసరా పేరుతో అందరిని ఒకే వేదికపై తీసుక వస్తున్నారు. రాజకీయాలకు, పార్టీలకు, మతాలకు అతీతంగా ఇక్కడికి వస్తున్నారు. ఉద్యమంలో అందరిని ఏకం చేసింది ఈ కార్యక్రమం’ అని చెప్పారు. మిజోరం గవర్నర్ హరిబాబు మాట్లాడుతూ దేశంలో ఒక్కో ప్రాంతంలో ఒక్కో విధంగా దసరా జరుపుకుంటున్నారు. సమాజంలో అన్ని వర్గాల వారిని ఒకే వేదిక మీదకు తీసుకవస్తున్నారు. అలయ్–బలయ్ అంటే గుర్తు వచ్చేది దత్తాత్రేయ’ అని అన్నారు.
