న్యూఢిల్లీ: అమెజాన్ ఫౌండర్ జెఫ్బెజోస్ ప్రపంచంలోనే అత్యంత సంపన్నుడిగా ఎదిగారు. ఆయన నికర విలువ ప్రస్తుతం 200 బిలియన్ డాలర్లకు పెరిగింది. టెస్లా చీఫ్ ఎలాన్మస్క్ 198 బిలియన్ డాలర్ల నెట్వర్త్తో రెండోస్థానానికి పడిపోయారని బ్లూమ్బెర్గ్ బిలియనీర్స్ ఇండెక్స్ మంగళవారం వెల్లడించింది. 2024లో బెజోస్ ఇప్పటి వరకు 23 బిలియన్ డాలర్లు లాభపడగా, మస్క్ 31బిలియన్ డాలర్లు నష్టపోయారు.
బిలియనీర్ల సంపద, లాభనష్టాలు షేర్లను బట్టి మారుతుంటాయి. అమెజాన్ షేర్ ధర ఈ ఏడాది 18 శాతానికి పైగా పెరగగా, టెస్లా 24 శాతం పడిపోయింది. ఈ నెల ప్రారంభంలో 8.5బిలియన్ డాలర్ల విలువైన అమెజాన్ షేర్లను విక్రయించినప్పటికీ, బెజోస్ 9.56 శాతం వాటాతో ఈ–కామర్స్ కంపెనీలో అతిపెద్ద వాటాదారు. టెస్లాలో మస్క్కు 20 శాతం వాటా ఉంది.
