న్యూఢిల్లీ: అదానీ గ్రూప్‌‌కు చెందిన అంబుజా సిమెంట్స్ లిమిటెడ్, 2026 నాటికి 1,000 మెగావాట్ల రెన్యువబుల్ ఎనర్జీ (ఆర్ఈ)ని ఉత్పత్తి చేసే ప్రాజెక్టులలో రూ. 6,000 కోట్ల పెట్టుబడి పెట్టనున్నట్లు సోమవారం తెలిపింది. కంపెనీ అంతర్గత వనరుల నుంచి నిధులను తెచ్చుకుంటామని ప్రకటించింది. ఈ డబ్బు ద్వారా గుజరాత్, రాజస్థాన్‌‌లలో సోలార్, విండ్పవర్ ప్రాజెక్టులను నిర్మిస్తామని అంబుజా సిమెంట్స్ లిమిటెడ్ (ఏసీఎల్) తెలిపింది. గుజరాత్‌‌లో 600 మెగావాట్ల సోలార్ పవర్ ప్రాజెక్ట్, 150 మెగావాట్ల పవన విద్యుత్ ప్రాజెక్ట్, రాజస్థాన్‌‌లో 250 మెగావాట్ల సోలార్ పవర్ ప్రాజెక్టులను కడతారు.
ప్రస్తుతం ఉన్న 84 మెగావాట్లకు అదనంగా 2026 ఆర్థిక సంవత్సరం నాటికి 200 మెగావాట్ల సోలార్ పవర్ను ఉత్పత్తి చేస్తారు. సంస్థ సిమెంట్ ఉత్పత్తి సామర్థ్యాన్ని 140 ఎంటీపీఏ (సంవత్సరానికి మిలియన్ టన్నులు)లకు పెంచాలని లక్ష్యంగా పెట్టుకుంది. ఇది మొత్తం ఇంధన వినియోగంలో 60 శాతం గ్రీన్ పవర్ను ఉపయోగించాలని భావిస్తోంది. గ్రీన్ పవర్ వ్లల ఉత్పత్తికి తక్కువ ఖర్చు అవుతుందని, కరెంట్ ధర కిలోవాట్ అవర్కి రూ. 6.46 నుంచి రూ. 5.16కి తగ్గుతుందని తెలిపింది.
