ఎప్పుడూ వెరైటీ వీడియోలను షేర్ చేస్తూ.. నూతన ఆవిష్కరణలను ప్రోత్సహించే మహీంద్రా గ్రూప్ ఛైర్మన్ ఆనంద్ మహీంద్రా.. తాజాగా మరో వీడియో షేర్ చేశారు. ఈ వీడియోలో సైకిల్ తరహాలో కనిపిస్తున్న ఓ వాహనంపై ఒకేసారి ఆరుగురు ప్రయాణిస్తున్నారు. చిన్న చిన్న పరికరాలతో తయారు చేసిన ఈ వాహనం.. గ్లోబల్ అప్లికేషన్ ను కనుగొనగలదని ట్వీట్ చేశారు. ఇది రద్దీగా ఉండే యూరోపియన్ దేశాల్లో టూర్ బస్సా అన్న ఆనంద్ మహీంద్రా.. తానెప్పుడూ గ్రామీణ రవాణా ఆవిష్కరణలకు ఇంప్రెస్ అవుతుంటానని, ఈ వాహనం ఆవిష్కరణకు మాతృక ఎక్కడ ? అని ఆయన రాసుకొచ్చారు.
ఈ వీడియోలో ఈ వాహనం విలువ రూ.12వేలు అని, ఒక్కసారి చార్జింగ్ చేస్తే 150 కి.మీల వరకు ప్రయాణిస్తుందని వీడియోలో ఓ వ్యక్తి పేర్కొన్నాడు. అంతే కాకుండా వాహనాన్ని కేవలం రూ.10 కి చార్జింగ్ చేయవచ్చని కూడా అతను పేర్కొన్నాడు. కొన్ని గంటల క్రితం పోస్ట్ చేసిన ఈ వీడియోకు ట్విట్టర్లో 68,000 కంటే ఎక్కువ వ్యూస్ రాగా... ఇది ప్రస్తుతం సోషల్ మీడియాలో వైరల్ గా మారింది.