- మార్కెట్లోకి గ్లెన్మార్క్
- నైట్రిక్ ఆక్సైడ్ నాసల్ స్ప్రే
- ‘ఫాబి స్ప్రే’ పేరిట మార్కెట్ చేస్తామన్న కంపెనీ
- ఒకే రోజులో వైరల్ లోడ్
- 94% తగ్గుతుందని వెల్లడి
- పేషెంట్లకు ఎలాంటి సైడ్ఎఫెక్ట్స్ రావని ప్రకటన
న్యూఢిల్లీ: కరోనా ట్రీట్మెంట్కు మరో కొత్త మందు అందుబాటులోకి వచ్చింది. వైరస్ను ఒక్కరోజులోనే ఖతం చేసే నైట్రిక్ ఆక్సైడ్ నాసల్ స్ప్రేను గ్లెన్మార్క్ ఫార్మా బుధవారం మార్కెట్లోకి విడుదల చేసింది. కెనడాకు చెందిన శానోటైజ్ రీసెర్చ్ అండ్ డెవలప్మెంట్ కార్పొరేషన్ సంస్థతో కలిసి అభివృద్ధి చేసిన ఈ నాసల్ స్ప్రేని.. ‘ఫాబిస్ప్రే’ పేరిట మార్కెట్ చేయనున్నట్టు గ్లెన్మార్క్ ప్రకటించింది. అయితే, మందు ధర ఎంతన్నది మాత్రం సంస్థ ప్రకటించలేదు.
ఒక్కరోజులోనే ఖతం
కరోనా మందులకు స్పీడ్గా అనుమతులివ్వడంలో భాగంగా ఈ నాసల్ స్ప్రేకి డ్రగ్ కంట్రోలర్ జనరల్ ఆఫ్ ఇండియా మార్కెటింగ్ అనుమతులిచ్చింది.
ముక్కు, గొంతులోనే వైరస్ అంతం
ఇండియాలో ఫేజ్ 3 ట్రయల్స్ చేశామని, ఒక్క రోజులో 94 శాతం, రెండు రోజుల్లో 99 శాతం మేర కరోనా వైరస్ను మందు చంపేసిందని కంపెనీ ప్రకటించింది. నైట్రిక్ ఆక్సైడ్కు మంచి యాంటీ మైక్రోబియల్, యాంటీ వైరల్ గుణాలున్నాయని, దాని వల్ల ఎలాంటి సైడ్ఎఫెక్ట్స్ రావని చెప్పింది. కరోనా పేషెంట్లకు ఈ నాసల్ స్ప్రే సురక్షితమైనదని తెలిపింది. ముక్కులోపల మందును స్ప్రే చేయడం ద్వారా ముక్కు, గొంతులోనే వైరస్ను చంపేసి.. లంగ్స్లోకి వైరస్ వెళ్లకుండా అడ్డుకుంటుందని పేర్కొంది. ఈ మందుతో కరోనా పేషెంట్లకు టైంకు మంచి కరోనా ట్రీట్మెంట్ అందుతుందన్న నమ్మకం ఉందని గ్లెన్మార్క్ చీఫ్ కమర్షియల్ ఆఫీసర్ రాబర్ట్ క్రాకర్ట్ చెప్పారు. ఇండియా కరోనా ఫైట్లో తామూ భాగమైనందుకు, తమ మందుకు అనుమతులు వచ్చినందుకు ఆనందంగా ఉందన్నారు. కాగా, ఫాబిస్ప్రే నాసల్ స్ప్రేకి ఎమర్జెన్సీ అనుమతులు ఇవ్వాల్సిందిగా నిరుడు జులైలోనే సీడీఎస్సీవోకు గ్లెన్మార్క్ అప్లై చేసింది. 99.9 శాతం కరోనా వైరల్లోడ్ను కేవలం రెండు నిమిషాల్లోనే ఈ మందు తుడిచిపెట్టేసినట్టు అమెరికాలోని యూటా స్టేట్ యూనివర్సిటీ స్టడీలో తేలిందని గ్లెన్మార్క్ సీనియర్ వీపీ, క్లినికల్ డెవలప్మెంట్ హెడ్ డాక్టర్ మోనికా టాండన్ చెప్పారు. ఆల్ఫా, బీటా, గామా, డెల్టా, ఎప్సిలాన్ వంటి వేరియంట్లను సమర్థంగా ఎదుర్కొంటుందన్నారు.
