బాల్కొండ, వెలుగు: తెలంగాణ రాష్ట్ర గురుకుల బాలబాలికల స్కూళ్లల్లో సీట్ల భర్తీకి దరఖాస్తులు ఆహ్వానిస్తున్నట్లు గురుకుల కన్వీనర్ గంగా శంకర్ ఆదివారం ఒక ప్రకటనలో తెలిపారు. బోధన్ ఎడపల్లి, పోచంపాడ్ లోని గురుకులాల్లో 6,7,8 తరగతుల సీట్ల భర్తీ కోసం హెచ్ఎంలను సంప్రదించాలన్నారు. జూన్ 30 నుంచి జులై 2 వరకు దరఖాస్తులు స్వీకరిస్తారని, ప్రవేశ పరీక్ష జులై 4న ఆయా స్కూళ్లల్లో నిర్వహిస్తారని తెలిపారు. మెరిట్ ఆధారంగా రోస్టర్ పద్ధతిలో సీట్ల భర్తీ జరుగుతుందన్నారు. సంబంధిత వివరాలకు ఎడపల్లి హెచ్ఎం 9866559697, పోచంపాడ్ లో 9701222079, 9866559693 నంబర్లలో సంప్రదించాలని పేర్కొన్నారు.
