ఆస్ట్రేలియన్ ఓపెన్ లో అద్బుతాలేమి జరగలేదు. అందరూ ఊహించినట్లుగానే అరీనా సబలెంకా సీజన్ మొదటి గ్రాండ్ స్లామ్ టోర్నీ ఆస్ట్రేలియన్ ఓపెన్ టైటిల్ గెలుచుకుంది. బెలారస్ స్టార్ 6-3, 6-2 వరుస సెట్లలో విజయం నమోదు చేసి మహిళల సింగిల్స్ టైటిల్‌ను నిలబెట్టుకుంది. ఫైనల్లో క్విన్వెన్ జెంగ్‌ కు ఏ మాత్రం అవకాశం ఇవ్వకుండా వరుస సెట్లలో చిత్తు చేసింది. గంటలోపే ఈ మ్యాచ్ అయిపోవడం విశేషం.
ఈ టోర్నీలో టాప్ ప్లేయర్లకు షాక్ ఇస్తూ సంచలనాలు సృష్టించిన క్విన్వెన్ జెంగ్‌ ఫైనల్లో తేలిపోయింది. కనీసం పోరాడకుండానే సబలెంకా ఆటకు తలవంచింది. 2023 లో విజేతగా నిలిచిన సబలెంకా.. వరుసగా రెండోసారి ఈ టైటిల్ ను గెలుచుకుంది. దీంతో 2013 తర్వాత వరుసగా రెండు సార్లు ఆస్ట్రేలియా ఓపెన్ గెలుచుకున్న ప్లేయర్ గా అరుదైన రికార్డ్ సొంతం చేసుకుంది. 2012, 2013 లో విక్టోరియా అజరెంకా మహిళల ఆస్ట్రేలియా ఓపెన్ విజేతగా నిలిచింది.
Aryna Sabalenka defeats Zheng Qinwen and retains the Women's Title at the 2024 Australian Open in Melbourne. #AusOpen pic.twitter.com/mLD6rHQINh
— morenidmich (@morenidmich) January 27, 2024
