లండన్: యూకేకు చెందిన ఫార్మా కంపెనీ ఆస్ట్రాజెనికా తయారు చేసిన కొవిడ్–19 టీకా (కొవిషీల్డ్)తో కొన్ని సైడ్ ఎఫెక్ట్స్ ఉన్నాయని ఆ కంపెనీ అంగీకరించింది. తమ టీకాతో అరుదైన సందర్భాల్లో బ్లడ్ క్లాట్ (రక్తం గడ్డకట్టడం), ప్లేట్లెట్ కౌంట్ పడిపోయేందుకు కారణమవుతున్నదని యూకే కోర్టుకు తెలిపింది. ఆస్ట్రాజెనికా వ్యాక్సిన్ అనేక సందర్భాల్లో మరణానికి, తీవ్రగాయాలకు కారణమైందని 51 మంది బాధితులు కోర్టును ఆశ్రయించారు. కంపెనీపై క్లాస్ యాక్షన్ దావా వేశారు. ఇందులో టీకా వల్ల మరణించిన 12 మంది కుటుంబ సభ్యులున్నారు. వారు డెత్ సర్టిఫికెట్, చికిత్సకు సంబంధించిన ఆధారాలను కోర్టుకు సమర్పించారు. కంపెనీ నుంచి నష్టపరిహారం కోరారు. .
మొదట వ్యతిరేకించిన ఆస్ట్రాజెనికా
ప్రారంభంలో ఆస్ట్రాజెనికా కంపెనీ ఈ క్లెయిమ్లను వ్యతిరేకించింది. తమ టీకాపై విస్తృతమైన క్లినికల్ ట్రయల్స్ నిర్వహించామని, ఇది సురక్షితమని వాదించింది. అయితే, కొవిషీల్డ్ అరుదైన సందర్భాల్లో.. టీటీఎస్(థ్రాంబోసిస్ విత్ థ్రోంబోసైటోపెనియా సిండ్రోమ్) రక్తం గడ్డకట్టడం, బ్లడ్ ప్లేట్లెట్ కౌంట్‌పడిపోవడానికి కారణమవుతున్నదని అంగీకరించింది.
కాగా, కొవిషీల్డ్పై దాఖలైన ఫిర్యాదులన్నింటినీ కలపాలని బాధితులు కోరడంతో లండన్ హైకోర్టులో ఈ కేసుపై విచారణ ఈ ఏడాది చివరలో చేపట్టనున్నారు. కరోనా వైరస్విజృంభిస్తున్న సమయంలో యూకేకు చెందిన ఆస్ట్రాజెనికా కంపెనీ.. ప్రఖ్యాత ఆక్స్ఫర్డ్ యూనివర్సిటీ సహకారంతో కొవిడ్–19 టీకాను తయారుచేసింది. ఈ వ్యాక్సిన్ను భారత్లోని పుణెకు చెందిన సీరమ్ ఇన్స్టిట్యూట్ఆఫ్ ఇండియా (ఎస్ఐఐ) కొవిషీల్డ్ పేరుతో ఉత్పత్తి చేసింది.
