న్యూఢిల్లీ: తమ సంస్థ పేరుతో సైబర్ క్రిమినల్స్ నకిలీ మొబైల్యాప్ను తయారు చేసి మోసాలకు పాల్పడుతున్నారని ఇండియన్ రైల్వే క్యాటరింగ్ అండ్ టూరి జం కార్పొరేషన్ (ఐఆర్సీటీసీ) హెచ్చరించింది. ఈ మొబైల్ యాప్ ప్రచారం గురించి అత్యవసర హెచ్చరికను జారీ చేసింది. మోసగాళ్లు పెద్ద ఎత్తున ఫిషింగ్ లింక్‌‌‌‌లను సర్క్యులేట్ చేస్తున్నారని, నకిలీ 'ఐఆర్సీటీసీ రైల్ కనెక్ట్' మొబైల్ యాప్ను డౌన్లోడ్ చేసుకోవడానికి లింకులను పంపుతున్నారని తెలిపింది. ఈ స్కామర్ల లక్ష్యం సాధారణ జనాన్ని మోసగించడమేనని ఐఆర్సీటీసీ స్పష్టం చేసింది.
ఆన్‌‌‌‌లైన్ టికెటింగ్, ఇతర రైల్వే సంబంధిత సేవలను అందించే ఐఆర్సీటీసీ... యాప్ విషయంలో జాగ్రత్తగా, అప్రమత్తంగా ఉండాలని హెచ్చరించింది. అండ్రా యిడ్ వినియోగదారుల కోసం గూగుల్ప్లే స్టోర్లో, ఐఓఎస్ వినియోగదారుల కోసం యాపిల్యాప్ స్టోర్లో అందుబాటులో ఉన్న అధికారిక ఐఆర్సీటీసీ రైల్ కనెక్ట్ మొబైల్ యాప్‌‌‌‌లను మాత్రమే డౌన్లోడ్ చేసుకోవాలి. లింకుల ద్వారా నకిలీ యాప్ను డౌన్లోడ్ చేసుకుంటే మోసాల బారిన పడే అవకాశాలు ఉంటాయి. ఏదైనా సమాచారం కావాలన్నా, ప్రశ్నలు అడగాలన్నా ఐఆర్సీటీసీ అధికారిక వెబ్సైట్ https://irctc.co.inలో ఇచ్చిన అధికారిక నంబర్‌‌‌‌ల ద్వారా మాత్రమే ఐఆర్సీటీసీ కస్టమర్ కేర్‌‌‌‌తో మాట్లాడాలి.
సున్నితమైన సమాచారం చోరీ...
ఈ మోసపూరిత మొబైల్ యాప్ స్కామ్ యూజర్కు తెలియకుండానే సున్నితమైన, వ్యక్తిగత సమాచారాన్ని మొబైల్ నుంచి చోరీ చేసే అవకాశాలు ఉన్నాయని నిపుణులు చెబుతున్నారు. ఫలితంగా ఆర్థిక మోసాల బారిన పడొచ్చని అంటున్నారు. ఈ యాప్ను వాడితే లాగిన్ ఐడీ, పాస్వర్డ్, పేమెంట్ సమాచారం వ్యక్తిగత డేటా వంటి ముఖ్యమైన వివరాలు సైబర్ క్రిమినల్స్ చేతుల్లోకి వెళ్లే ప్రమాదం పొంచి ఉంది. ఈ వివరాలతో మోసగాళ్లు నేరాలు చేసే అవకాశం ఉంటుంది. ‘‘ కొంతమంది మోసగాళ్ళు భారీ స్థాయిలో ఫిషింగ్ లింక్‌‌‌‌లను పంపుతున్నారు. జనాన్ని మోసం చేయడానికి నకిలీ ‘ఐఆర్సీటీసీ రైల్ కనెక్ట్’ మొబైల్ యాప్ను డౌన్లోడ్ చేయాలని కోరుతున్నారు.
ఈ నకిలీ మొబైల్ యాప్ను డౌన్లోడ్ చేసుకుంటే ప్రమాదంలో పడతారు. ఇలాంటి మోసగాళ్ల బారిన పడవద్దు. గూగుల్ప్లే స్టోర్ లేదా యాపిల్ యాప్స్టోర్ నుండి మాత్రమే ఐఆర్సీటీసీ అధికారిక రైల్కనెక్ట్ మొబైల్ యాప్‌‌‌‌లను డౌన్లోడ్ చేసుకోవాలి. మరిన్ని వివరాలకు మా అధికారిక వెబ్సైట్ https://irctc.co.inలోని నంబర్లకు కాల్ చేయాలి. యాప్ విషయంలో అప్రమత్తంగా ఉండండి! సురక్షితంగా ఉండండి!" అని ఐఆర్సీటీసీ ట్వీట్ చేసింది. గుర్తు తెలియని వ్యక్తులు పంపిన లింక్స్పై క్లిక్ చేయవద్దని సూచించింది. ఇంటర్నెట్‌‌‌‌ని బ్రౌజ్ చేస్తున్నప్పుడు జాగ్రత్తగా ఉండటం ముఖ్యమని స్పష్టం చేసింది.
కొన్ని నెలల క్రితం కూడా నకిలీ ఐఆర్సీటీసీ వెబ్సైట్, యాప్ ద్వారా మోసాలు జరిగాయని ఈ సంస్థ పేర్కొంది. నకిలీ మొబైల్యాప్ లింక్స్ను వాట్సాప్, టెలిగ్రాంల ద్వారా సర్క్యులేట్చేస్తున్నారని హెచ్చరించింది.
