కరోనా మొదలైన్పటి నుంచి అందరిలో ‘ఏ మాస్క్ పెట్టుకుంటే సేఫ్?’ అనే అలోచనే. కొత్త వేరియెంట్ ఒమిక్రాన్ రావడంతో ఆ ఆలోచనలు ఇంకా ఎక్కువయ్యాయి. ఈ టైమ్లో ప్రొటెక్షన్ కోసం అప్గ్రేడ్ అవ్వాలని, మాస్క్ కంటే రెస్పిరేటర్లు వాడడం సేఫ్ అంటున్నారు రీసెర్చర్లు. దాదాపు ముఖం మొత్తం కప్పి ఉంచే ఇవి గాల్లోని వైరస్, బ్యాక్టీరియాల్ని ఎఫెక్టివ్గా అడ్డుకుంటాయట. కరోనా ఇన్ఫెక్షన్ రిస్క్ ఉన్న డాక్టర్లు, సర్జన్లు కొందరు ఇప్పటికే వీటిని వాడుతున్నారు కూడా.
కరోనా ఫస్ట్వేవ్ నుంచి బయటికి వెళ్లేవాళ్లకు రెస్పిరేటర్ తప్పనిసరి చేసింది ఆస్ట్రియా. అమెరికాలోని ‘సెంటర్స్ ఫర్ డిసీజ్ కంట్రోల్ అండ్ ప్రివెన్షన్’ కూడా మాస్క్ల కంటే రెస్పిరేటర్లు చాలా సేఫ్ అని చెప్పింది.హెల్త్ వర్కర్లు, ల్యాబొరేటరీ వాళ్ల మీద చేసిన స్టడీల్లో కూడా కరోనా ఇన్ఫెక్షన్ని అడ్డుకోవడంలో రెస్పిరేటర్లు బాగా పనిచేశాయని తెలిసింది కూడా.
రెస్పిరేటర్లు ఎంత సేఫ్ అంటే..
కరోనా సోకినవాళ్లు రెస్పిరేటర్స్ పెట్టుకున్నవాళ్లని ముట్టుకున్నా కూడా 25 గంటల పాటు ప్రొటెక్షన్ ఉంటుంది. క్లాత్ మాస్క్ పెట్టుకున్నవాళ్లు అయితే 26 నిమిషాల్లోనే కరోనా బారిన పడే ఛాన్స్ ఉంది. అందుకనే వ్యాక్సిన్ల లెక్కనే రెస్పిరేటర్లు కూడా ఫ్రీగా ఇవ్వాలని, లేదంటే తక్కువ ధరకే దొరికేలా చూడాలని అంటున్నారు కెనడాలోని అల్బెర్టా యూనివర్సిటీ సైంటిస్ట్ లెయ్లా అస్డిక్, ఆస్ట్రేలియాలోని కిర్బీ ఇనిస్టిట్యూట్ ప్రొఫెసర్ రైనా మెక్ఇన్టైర్. దాంతో కరోనా లాంటి ఇన్ఫెక్షన్లని తొందరగా కంట్రోల్ చేయొచ్చని చెప్తున్నారు వీళ్లు.
లాభాలివి
రెస్పిరేటర్లని చాలా మంది కొత్తరకం మాస్క్లు అనుకుంటారు. కానీ, ఇవి ‘పర్సనల్ ప్రొటెక్షన్ ఎక్విప్మెంట్స్’. గాల్లో ఉండే హానికరమైన బ్యాక్టీరియా, వైరస్, ఇతర పొల్యూటెంట్స్ని పట్టి ఉంచేలా వీటిని డిజైన్ చేశారు. ప్రాణాంతకమైన వైరస్ పార్టికల్స్ని 95శాతం అడ్డుకుంటాయి. రెస్పిరేటర్లు పెట్టుకుంటే ఎవరైనా తుమ్మినా, దగ్గినా కరోనా సోకుతుందేమోననే భయం ఉండదు. రెండు హెడ్ స్ట్రాప్స్, ముక్కు దగ్గర అడ్జస్టబుల్ క్లిప్ ఉంటుంది. అంతేకాదు వీటికి ఐఎస్ఐ అప్రూవల్ కూడా ఉంది. వీటి ధర రూ.4 వేల నుంచి 5 వేలు.