హైదరాబాద్, వెలుగు: హౌసింగ్ సొసైటీలు, రెసిడెంట్ వెల్ఫేర్ అసోసియేషన్ల (ఆర్డబ్ల్యూఏ) బాధ్యతలు, భద్రతా ప్రమాణాలు, రెన్యూవల్స్పై అవగాహనకు నారెడ్కో తెలంగాణ, ఎఫ్ టీసీసీఐ, యూ ఫెర్వాస్ హైదరాబాద్లో సదస్సు నిర్వహించాయి. భవనాల నిర్వహణలో ఎదురయ్యే చట్టపరమైన ఇబ్బందులు తప్పించుకోవడానికి తీసుకోవాల్సిన జాగ్రత్తలను నిపుణులు వివరించారు.
పెరుగుతున్న ఎత్తైన భవనాలు, గేటెడ్ కమ్యూనిటీల భద్రతకు ఈ సదస్సు ఎంతో ఉపయోగపడుతుందని నారెడ్కో తెలంగాణ అధ్యక్షుడు శ్రీధర్ రెడ్డి తెలిపారు. లిఫ్ట్ మెయింటెనెన్స్, స్ట్రక్చరల్ ఆడిట్ వంటి అంశాల్లో నిర్లక్ష్యం వహిస్తే ప్రమాదాలు జరిగే అవకాశం ఉందన్నారు.
