ఆన్లైన్లో వాడే ఫీచర్ వాడినా, అందులో కస్టమర్ వివరాల్లో మెయిల్ ఐడీ లింక్ అయి ఉండడం వల్ల కంపెనీలు ఆఫర్ల వివరాలతో మెయిల్స్ వస్తుంటాయి. అయితే, వాటిలో కొన్ని నకిలీ (ఫేక్) మెయిల్స్ కూడా ఉంటాయి. ఒకవేళ వాటిని ఓపెన్ చేసినా, వాటిలోపల ఉండే లింక్ పై క్లిక్ చేసినా సైబర్ దొంగలకు దొరికినట్లే. మరి ఆ మెయిల్ నకిలీదా? కాదా? అనేది తెలుసుకోవడానికి గూగుల్ ఈ కొత్త ఫీచర్ని తీసుకొచ్చింది. ట్విటర్ వెరికేషన్ బ్యాడ్జ్లానే, గూగుల్ కూడా జీమెయిల్కి బ్యాడ్జ్ తెచ్చింది. కంపెనీలు తమ బ్రాండ్ లోగోను వెరిఫికేషన్ చేసిన బ్యాడ్జ్ను తీసుకోవచ్చు.
ఇది గూగుల్ వర్క్ స్పేస్, జీ సూట్ బేసిక్, బిజినెస్ అవసరాలకు పర్సనల్ జీమెయిల్ అకౌంట్ వాడుతున్న యూజర్లకు మాత్రమే అందుబాటులో ఉంది. దీనికి అప్లై చేసుకోవాలంటే... యూజర్లు తమ కంపెనీ లోగోను బీఐఎమ్ఐలో వెరిఫై చేయాలి. అయితే, ఆ లోగో వరల్డ్ ఇంటలెక్చువల్ ప్రాపర్టీ ఆర్గనైజేషన్ (డబ్ల్యూపిఒ) దగ్గర రిజిస్టర్ చేసుకుని ఉండాలి. బీఐఎమ్ఐలో డొమైన్ వివరాలు ఎంటర్ చేసి, వెరిఫైడ్ మార్క్ సర్టిఫికెట్ కోసం అప్లై చేయాలి. ఆ తర్వాత యూజర్ అప్లికేషన్ని బీఐఎమ్ఐ, జీమెయిల్ అకౌంట్కు బ్రాండ్ లోగోతోపాటు వెరిఫైడ్ బ్యాడ్జ్ ఇస్తుంది. కంపెనీలు పంపే మెయిల్కు యూజర్ ఇన్బాక్స్లో ఐడీ పక్కన లోగో, వెరిఫైడ్ బ్యాడ్జ్ కనిపిస్తాయి.
