చాలా మందికి సొంతిల్లు ఒక కల. అయితే ఉన్నంతలో ఇల్లు కట్టుకోవాలని అందరూ అనుకుంటారు. ఇంటి గేట్ల నిర్మాణంలో ఎలాంటి జాగ్రత్తలు తీసుకోవాలి. రెండు మెయిన్ డోర్ లు ఉంటే ఇబ్బందులు వస్తాయి.. దక్షిణం దిక్కులో పూజా మందిరం ఇబ్బందులు వస్తాయా.. .. మొదలగు విషయాల గురించి వాస్తు కన్సల్టెంట్ కాశీనాథుని శ్రీనివాస్ గారి సలహాలను ఒకసారి చూద్దాం
ప్రశ్న: ఉత్తర ముఖద్వారంతో ఇల్లు కట్టుకుంటున్నాం. దానికి మెయిన్ గేట్ ఉత్తర ఈశాన్యం, ఉత్తర ఆగ్నేయంలలో ఏవైపు ఉండాలి?
జవాబు: ఉత్తర ముఖద్వారంతో ఇల్లు ఉన్నప్పుడు..మెయిన్ గేట్ ఉత్తర ఈశాన్యంలో ఏర్పాటు చేసుకోవాలి. మెయిన్ గేట్స్ ఒకటి లేదా రెండు మాత్రమే పెట్టుకుంటే మంచిది. ఎక్కువ గేట్స్ అయితే, సరిసంఖ్యలో ఉండాలి.
ప్రశ్న: ఆగ్నేయం మూలలో కిచెన్ ఉంది. కిచెన్ ను ఆనుకుని దక్షిణం వైపు దేవుడి పూజ గది కట్టుకోవచ్చా? దేవుడు తూర్పు వైపు చూసేలా ఉంచొచ్చా?
జవాబు: దక్షిణం వైపు పూజగది కట్టుకోకూడదు. ఆగ్నేయంలో కిచెన్ ఉన్నప్పుడు, ఈశాన్యంలో పూజగది ఉండాలి. దేవుడు పడమర వైపు చూస్తూ ఉండాలి. మీరు తూర్పు వైపు చూస్తూ పూజ చేసుకుంటే మంచిది.
