హైదరాబాద్, వెలుగు: ‘‘మహాత్మా జ్యోతిరావు పూలే విగ్రహం ఇప్పుడు గుర్తొచ్చిందా? గత పదేండ్లు ప్రభుత్వంలో ఉండి ఏం చేశారు?”అని కాంగ్రెస్నేత బండ్ల గణేశ్ ఎమ్మెల్సీ కవితనుప్రశ్నించారు. కాంగ్రెస్ప్రభుత్వం, రేవంత్పై విమర్శలు మాని ముందు మందుస్కామ్ నుంచి బయటపడి క్లీన్చీట్తెచ్చుకోవాలన్నారు. ఆమె నమ్మే దేవుడు, తల్లిదండ్రుల సాక్షిగా అక్రమంగా సంపాదించలేదని చెప్పగలరా? అని కాంగ్రెస్ నేత బండ్ల గణేశ్ ప్రశ్నించారు. ఆమె లిక్కర్ స్కామ్ను చూసి.. ఎందుకు కన్నాను అని ఆమె తల్లి ఎంత క్షోభ పడి ఉంటుందోనని ఆయన అన్నారు.
ఈ మేరకు శనివారం ఆయన ఓ ప్రకటన విడుదల చేశారు. ‘‘తెలంగాణ కోసం ఎంతో మంది పోరాడితేగానీ.. మీ నాన్న, మీ అన్న, మీ బావ, మీరు.. ఆ రావు.. ఈ రావు.. ఇంకో రావు పదవుల్లో కూర్చుని దోచుకున్నారు. మీరు పదవులన్నింటినీ అనుభవించి.. అందరినీ శాసించి మంత్రులను డమ్మీలు చేశారు. అప్పటి హోం మంత్రి మహమూద్ అలీ చెప్తే కనీసం కానిస్టేబుల్ ట్రాన్స్ఫర్ కూడా అయ్యేది కాదు. కానీ, మీరు చెప్తే మాత్రం జరిగిపోయేవి. రాష్ట్రాన్ని మీ కబంద హస్తాల్లో పెట్టుకుని సర్వ నాశనం చేశారు.’’ అని ఫైర్ అయ్యారు.
‘‘కాంగ్రెస్ నేతలునర్సిరెడ్డి, దుద్దిళ్ల శ్రీపాదరావులను నక్సలైట్లు చంపేశారని, వారి వారసులు రాజకీయాల్లోకి రావడం తప్పా? జానా రెడ్డి రాజకీయాల నుంచి తప్పుకుని ఆయన కుమారుడికి అవకాశం ఇచ్చారు. అది తప్పవుతుందా?’’ అని ప్రశ్నించారు. గద్దర్ను కేసీఆర్, బీఆర్ఎస్ నేతలు గేటు బయట నిలబెట్టి బతికుండగానే చంపేశారని ఆయన మండిపడ్డారు. ఆయన చనిపోయినా తరతరాలు గుర్తుంచుకునేలా గద్దర్ను కాంగ్రెస్ పార్టీ, రేవంత్రెడ్డి బతికించారన్నారు. బీసీల కోసం వాళ్ల త్యాగం ఏమీ అవసరం లేదని గణేశ్పేర్కొన్నారు.
