టెక్నాలజీ మారుతున్న కొద్దీ మార్కెట్లోకి కొత్త గాడ్జెట్స్ వస్తూనే ఉన్నాయి. అవి రోజూవారీ పనులను కాస్త ఈజీ చేస్తుంటాయి. వాటిలో నుంచి కొన్ని బెస్ట్ యుటిలిటీ గాడ్జెట్స్ ఇవి. వీటి ధర 600 రూపాయల కంటే తక్కువే. అవసరమనుకుంటే ఇలాంటి గాడ్జెట్స్ కొని ట్రై చేయొచ్చు.
సోలార్ గార్డెన్ లైట్
గార్డెన్ పగటి పూట చాలా అందంగా కనిపిస్తుంది. కానీ.. చీకట్లో కూడా అందంగా కనిపించాలంటే ఈ లైట్ పెట్టుకోవాలి. దీన్ని గార్డెన్ డెకరేషన్ కోసమే మార్కెట్లోకి తీసుకొచ్చారు. దీనికి హై-కెపాసిటీ బ్యాటరీ, హై కన్వర్షన్ ఎఫిషియెన్సీ పాలీ సిలికాన్ సోలార్ పానెల్ ఉంటాయి. అందువల్ల పొద్దంతా సోలార్ ఎనర్జీతో బ్యాటరీ ఛార్జ్ అవుతుంది. రాత్రంతా లైట్ వెలుగుతుంది. ఇందులో 600 ఎంఎహెచ్ బ్యాటరీ ఉంటుంది. దీంతో సుమారు-12 గంటలపాటు ఏడు రంగుల్లో ఈ లైట్ వెలుగుతుంది. వామ్, రెడ్, గ్రీన్, బ్లూ.. ఇలా ఏడు రంగులు వరుసగా మారుతుంటాయి. ఈ లైట్ని డాబా, పాత్వే, లాన్.. ఎక్కడైనా పెట్టుకోవచ్చు. ఐపీ 65 వాటర్ప్రూఫ్ టెక్నాలజీతో ఉంది ఇది.
ధర: 599 రూపాయలు
వాటర్ బాటిల్
కొందరికి వేడి నీళ్లు తాగే అలవాటు ఉంటుంది. బాటిల్లో ఉన్న నీళ్లు ఎంత వేడిగా ఉన్నాయో తెలియక ఒక్కోసారి నోరు కాల్చుకుంటారు ఈ అలవాటు ఉన్నవాళ్లు. ఈ ఇబ్బంది లేకుండా ఉండేందుకు స్మార్ట్ వాటర్ బాటిళ్లని అందుబాటులోకి తెచ్చాయి కొన్ని కంపెనీలు. ఈ బాటిల్లో నీళ్లు పోసి కాసేపు పక్కన పెడితే ఆ నీళ్ల టెంపరేచర్ బాటిల్ మూత మీద ఉన్న ఎల్ఇడీ స్క్రీన్పై డిస్ప్లే అవుతుంది. ఈ బాటిల్లో వేడినీళ్లు పోస్తే దాదాపు ఆరు గంటల వరకు చల్లారవు. దీని లోపలి భాగాన్ని ఫుడ్ గ్రేడ్ స్టెయిన్లెస్ స్టీల్తో, బయటి కేస్ని హై క్వాలిటీ మెటల్తో తయారుచేశారు. ఇందులో అల్ట్రా కెపాసిటీ బ్యాటరీ ఉంటుంది. దీన్ని వాడనప్పుడు ఆటోమెటిక్గా స్క్రీన్ ఆఫ్ అవుతుంది. అందువల్ల ఒక బ్యాటరీ రెండేండ్ల వరకు పనిచేస్తుంది.
ధర: 299 రూపాయల నుంచి మొదలు
మినీ ఫ్లాష్ లైట్
చీకట్లో బయటికి వెళ్లాల్సి వచ్చినప్పుడు వెలుతురు కోసం లైట్ తీసుకెళ్తుంటాం. కానీ.. కొన్నిసార్లు పెద్ద సైజు బ్యాటరీ లైట్ పట్టుకెళ్లాలంటే ఇబ్బంది అనిపిస్తుంది. అందుకే కాంపాక్టబుల్ ఫ్లాష్ లైట్ వాడితే సరిపోతుంది. ఇది చూసేందుకు చిన్నగా ఉన్నా వెలుతురు మాత్రం బాగా వస్తుంది. పైగా మొబైల్ ఛార్జర్ ఉంటే చాలు.. ఎక్కడైనా ఛార్జింగ్ పెట్టుకోవచ్చు. దీని కెపాసిటీ 350 ల్యూమన్లు. 100 నుంచి -200 మీటర్ల వరకు ఇది వెలుతురు ఇస్తుంది. ఇందులో మూడు మోడ్లు ఉంటాయి. మొదటి మోడ్లో స్పాట్లైట్, రెండో మోడ్లో హార్డ్ లైట్, మూడో మోడ్లో డిమ్ లైట్ వస్తుంది. పాకెట్ -ఫ్రెండ్లీ కాంపాక్ట్ డిజైన్తో దీన్ని తయారు చేశారు. దీని లైఫ్ స్పాన్ లక్ష గంటల వరకు ఉంటుంది. సైక్లింగ్, క్యాంపింగ్, హైకింగ్, హంటింగ్, పెట్రోలింగ్, నైట్ ఫిషింగ్ చేసేవాళ్లకు ఇది బెస్ట్ చాయిస్.
ధర: 439 రూపాయలు
మొబైల్ హోల్డర్
జర్నీలో ఉన్నప్పుడు లేదా ఇంట్లో ఖాళీగా ఉన్నప్పుడు మొబైల్లో వీడియోలు చూసే అలవాటు చాలామందికి ఉంటుంది. అలాగని వీడియోలు చూసినంత సేపు ఫోన్ చేతిలో పట్టుకుని ఉండటం కష్టం. మొబైల్ హోల్డర్పై పెట్టుకుంటే బాగానే ఉంటుంది. కానీ, అది ఎక్కడంటే అక్కడ అందుబాటులో ఉండదు. అందుకే ఇలాంటి ఇన్విజిబుల్ మొబైల్ హోల్డర్ని వాడితే సరిపోతుంది. దీన్ని ఫోన్ వెనకభాగంలో స్టిక్ చేయొచ్చు. చాలారోజుల వరకు పాడు కాదు కూడా. దీన్ని ఉపయోగించి ఫోన్ని నిలువుగా 60 డిగ్రీల యాంగిల్లో, అడ్డంగా 40 డిగ్రీల యాంగిల్లో పట్టుకోవచ్చు. ఇది కేవలం 0.15 అంగుళాల మందం ఉంటుంది. కాబట్టి, ఫోన్కి అడిషనల్గా యాడ్ చేసినట్టు ఉండదు. బరువు కూడా కేవలం 22 గ్రాములు ఉంటుంది.
ధర: 369 రూపాయలు