కాశీబుగ్గ, వెలుగు: ఓరుగల్లు భద్రకాళీ భద్రేశ్వరుల కల్యాణ బ్రహ్మోత్సవాలను మంగళవారం కాకతీయ పట్టణాభివృద్ధి సంస్థ (కుడా) చైర్మన్ ఇనుగాల వెంకట్రామ్ రెడ్డి జ్యోతిప్రజ్వలన చేసి ప్రారంభించారు. ఈ సందర్భంగా ఆయన మాట్లాడుతూ మే 10 వరకు జరిగే బ్రహ్మోత్సవాలకు వచ్చే భక్తులకు ఎలాంటి ఇబ్బందులు లేకుండా ప్రభుత్వపరంగా అన్ని విధాల చర్యలు తీసుకుంటున్నామని తెలిపారు.
అనంతరం వరంగల్ఉమ్మడి జిల్లా మున్నూరు కాపు సంఘం వారు ఉభయదాతలుగా వ్యవహరించగా, అమ్మవారికి మేళతాళాలతో పట్టు చీరలు, పూజాద్రవ్యాలు సమర్పించారు. కార్యక్రమంలో కటకం పెంటయ్య, రాజన్, శ్రీనివాస్, వెంకటన్న, రవికుమార్, రాజ్కుమార్, ఈవో శేషు భారతి, అర్చకులు, భక్తులు తదితరులు పాల్గొన్నారు.
