ప్రతిభ ఉంటే చాలు డబ్బులున్నా లేకున్నా గుర్తింపు ఏదో ఒకరోజు తప్పకుండా వస్తుంది అనడానికి ఈ స్టోరీ గురించి చెప్పొచ్చు. ట్విట్టర్‌లో దిల్ దే దియా హై పాటను పాడి బీహార్కు చెందిన ఓ ఇసుక బట్టీ కార్మికుడు ఓవర్ నైట్ సెన్సేషన్ క్రియేట్ చేశాడు. అతడి పాటను విన్న సోనూసూద్ బంపర్ ఆఫర్ ఇచ్చాడు. అతడి వాయిస్కు ఫిదా అయి.. ఏకంగా తన నెక్ట్స్ సినిమా ఫతేహ్ లో పాట పాడేందుకు అతడికి ఛాన్స్ ఇచ్చాడు.
బీహార్‌లోని సమస్తి‌పూర్‌కు చెందిన అమర్‌జీత్ అనే యువకుడికి చిన్నప్పటి నుంచి పాటలంటే ప్రాణం. ఇటుక బట్టీలో పనిచేసే అతడు బాలీవుడ్ పాటలు పాడుతూ ఆ వీడియోలను ట్విట్టర్‌లో పోస్ట్ చేస్తుంటాడు. ఇటీవల అతడు పాడిన ‘దిల్ దే దియా హై’ పాట వీడియోకు సోషల్ మీడియాలో ఫుల్ రిస్పాన్స్ వచ్చింది. ఆ వీడియోను పది లక్షల మందికి పైగా వీక్షించారు. ప్రముఖ నటుడు సోనూసూద్, నటి నీతూ చంద్ర, ప్రముఖ సింగర్ సోనూ నిగమ్ ఆ వీడియోను రీ ట్వీట్ చేశారు. సోనూసూద్ అమర్ జీత్ ఫోన్ నంబర్ తెలుసుకుని మరి అతడితో మాట్లాడారు. కాగా సినిమాలో పాట పాడే ఛాన్స్ రావడం పట్ల యువకుడి కుటుంబసభ్యులు ఆనందం వ్యక్తం చేస్తున్నారు. త్వరలోనే ఈ పాట రికార్డింగ్ కోసం అమర్ జీవ్ ముంబాయికి వెళ్లనున్నాడు.
