- బీజేపీ అభ్యర్థి అర్వింద్ ధర్మపురి
నిజామాబాద్, వెలుగు : బీఆర్ఎస్ఆచరణ సాధ్యం కాని హామీలిచ్చి మొన్నటి ఎన్నికల్లో అధికారం కోల్పోయిందని ప్రస్తుతం కాంగ్రెస్కూడా అదే బాటలో వెళ్తోందని బీజేపీ పార్లమెంట్అభ్యర్థి ధర్మపురి అర్వింద్ అన్నారు. మంగళవారం ఆయన జిల్లా బీజేపీ ఆఫీస్లో మీడియాతో మాట్లాడారు. కాంగ్రెస్ ఆరు గ్యారంటీలకు వారంటీ లేదని ఎద్దేవా చేశారు. వంద రోజుల్లో అమలు చేయని హామీలు ఒక్క ఆగస్టులో ఎలా అమలు చేస్తారని ప్రశ్నించారు. కేసీఆర్ తరహాలో సీఎం రేవంత్రెడ్డి కూడా అడ్రస్లేకుండా పోతారన్నారు.
మొన్నటి అసెంబ్లీ ఎలక్షన్స్లో బీజేపీ, బీఆర్ఎస్ ఒక్కటేనంటూ ప్రజలను తప్పుదోవ పట్టించేందుకు కాంగ్రెస్ ప్రయత్నించిందన్నారు. లిక్కర్స్కాంలో అరెస్టైన ఎమ్మెల్సీ కవితకు ఇప్పట్లో బెయిల్వచ్చే చాన్స్లేదన్నారు. కొన్ని మీడియా సంస్థలు నిజాలు చెప్పడంలేదని అసహనం వ్యక్తం చేశారు. కార్యక్రమంలో అర్బన్ఎమ్మెల్యే ధన్పాల్సూర్యనారాయణ, పార్టీ జిల్లా ప్రెసిడెంట్దినేశ్కులాచారి ఉన్నారు.
రేవంత్ను దేవుడే కాపాడాలె
పార్లమెంట్ఎలక్షన్ తర్వాత రేవంత్రెడ్డి సీఎం కుర్చీకి గ్యారంటీ లేదని దేవుడే ఆయన్ను కాపాడాలని అర్వింద్ అన్నారు. నగరంలో ఇంటింటి ప్రచారం నిర్వహించి మాట్లాడారు. బీజేపీకి 12 పార్లమెంట్ స్థానాలు వస్తాయని కాంగ్రెస్ లీడర్లే అంటున్నారని ఇక రేవంత్రెడ్డి కుర్చీ ఎక్కడుంటుందని ప్రశ్నించారు. తెలంగాణ పాలిటిక్స్మారబోతున్నాయన్నారు.
