కార్ లో వంద స్పీడ్ లో దూసుకుపోతేనే ఒళ్లు జల్లు మంటుంది. అలాంటిది దానికి పది రెట్లు ఎక్కువ స్పీడ్ తో, అంటే గంటకు వెయ్యి కిలోమీటర్ల వేగంతో దూసుకుపోతే ఎట్లుంటది? ఆ రికార్డును బ్రిటన్ కు చెందిన బ్లడ్ హౌండ్ కొట్టేసింది. శనివారం జరిగిన ట్రయల్ టెస్టులో అది 628 మైల్స్ పర్ అవర్ (ఎంపీహెచ్ ) లేదా గంటకు 1,010 కిలోమీటర్ల వేగాన్ని అందుకుంది. దక్షిణాఫ్రికాలోని నార్తర్న్​ కేప్ లోని హేక్స్ కీన్ పాన్ లో 27 కిలోమీటర్ల మట్టి ట్రాక్ పై బ్లడ్ హౌండ్ ను టెస్ట్​ చేస్తున్నారు . ఇంతకుముందు మరో ఆరు కార్లు 600 ఎంపీహెచ్ (గంటకు 965 కిలోమీటర్లు)
స్పీడ్ ను దాటి దూసుకెళ్లాయి . బ్లడ్ హౌండ్ కు జెట్ ఇంజన్ ను పెట్టారు . ప్రస్తుతం భూమిపై అత్యధికంగా ఓ కారు వెళ్లిన రికార్డ్​ స్పీడ్ 763 ఎంపీహెచ్ (గంటలకు 1,228 కిలోమీటర్లు). 22 ఏళ్ల క్రితంథ్రస్ట్​ ఎస్ఎస్ సీ అనే బ్రిటన్ కు చెందిన కారే ఆ రికార్డ్​ను సెట్ చేసింది. దానిని దాటేసేందుకుబ్లడ్ హౌండ్ దూసుకుపోతోంది.

ఇంకో విషయమేంటంటే అప్పుడు థ్రస్ట్​ ఎస్ ఎస్ సీ ని నడిపింది,ఇప్పుడు బ్లడ్ హౌండ్ టెస్ట్​ ట్రయల్ చేసింది ఒకేడ్రైవర్ కావడం విశేషం. ఆర్ ఏఎఫ్ పైలట్ ఆండీగ్రీన్ ఆ ఘనత దక్కిం చుకున్నాడు. ఇప్పటిదాకాసోనిక్ 1, బ్లూ ఫ్లేమ్ , థ్రస్ట్​ 2, బడ్ వైజర్ రాకెట్, సోనిక్ యారో, థ్రస్ట్​ ఎస్ఎస్ సీలు మాత్రమే 600 ఎంపీహెచ్ స్పీడు దాటాయి. అందులో బడ్ వైజర్ రాకెట్ , థ్రస్ట్​ ఎస్ ఎస్ సీలు మాత్రమే 700ఎంపీహెచ్ (1,126 కిలోమీటర్లు) స్పీడ్ రికార్డును అందుకున్నాయి . నిజానికి బ్లడ్ హౌండ్ ను వెయ్యి కిలోమీటర్ల వేగంతో నడిపించాలని ఆ కార్ టీంఅనుకుంది. అయితే, అనుకున్న దానికి మించి బ్లడ్ హౌండ్ దూసుకుపోయింది. దాని స్పీడ్ ను ఇంకా పెంచేం దుకు నార్వేకు చెందిన ఏరో స్పేస్ కంపెనీ నమ్మో, అందులో తన రాకెట్ ఇంజన్ ను పెట్టాలనుకుంటోంది. థ్రస్ట్​ ఎస్ఎస్ సీ తో పోటీ పడాలంటే ఆ బూస్టర్ తప్పనిసరి అంటోంది.