పసుపు రంగు దంతాలు ఒక్కోసారి నలుగురిలో తలెత్తుకోకుండా.. నవ్వకుండా.. ఆత్మ విశ్వాసాన్ని దెబ్బతీసేలా చేస్తాయి. కాఫీ మరకలు, ధూమపానం వంటి ఇతర కారణాలు చాలా మందికి నవ్వును దూరం చేస్తోంది. కానీ మీరు పళ్లను ముత్యాల్లా మెరిసేందుకు, పసుపు రంగును దంతాలను నివారించేందుకు, మళ్లీ మీ ముఖంలో నవ్వు చిగురించేందుకు పాటించాల్సిన 5 సులభమైన మార్గాలున్నాయి. అవేంటో ఇప్పుడు తెలుసుకుందాం.
దంతాల పరిశుభ్రత:
సరైన బ్రషింగ్ పళ్లపై పసుపు రంగును తొలగించేందుకు పాటించాల్సిన ఫస్ట్ స్టెప్. ఫ్లోరైడ్ టూత్‌పేస్ట్‌తో రోజుకు రెండుసార్లు బ్రష్ చేయండి. ఎలక్ట్రిక్ టూత్ బ్రష్‌ను వాడేందుకు ప్రయత్నించండి. ఇది పళ్లపై మరకలను తొలగించడంలో ప్రభావవంతంగా ఉంటుంది. పసుపు రంగుకు ప్రధాన కారణమైన దంతాల మధ్య దాగిన ఆహార కణాలు, బ్యాక్టీరియాను తొలగించడానికి ప్రతిరోజూ వీలైతే రెండు సార్లు బ్రష్ చేయడం మర్చిపోవద్దు.
తెల్లటి దంతాల కోసం మెడికల్ ట్రీట్మెంట్:
తక్షణ, గుర్తించదగిన ఫలితాలను కోరుకునే వారికి, దంతవైద్యుడు చేసే వైద్యం మంచి ఫలితాలనిస్తుంది. వారు చేసే చికిత్సలు లోతైన మరకలను విచ్ఛిన్నం చేయడానికి, మీ దంతాలను అందంగా కనిపించేందుకు అధునాతన సాంకేతికతతో కూడా హై- కాన్సన్ స్ట్రేటెడ్ బ్లీచింగ్ ఏజెంట్‌లు కూడా ప్రభావవంతంగా పనిచేస్తాయి. ఇది అధిక ధర ఉండవచ్చు. కానీ ఫలితం మాత్రం ఎక్కువ కాలం ఉంటాయి.
చార్ కోల్:
దంతాలపై మరకలను గ్రహించి, తొలగించడానికి చార్ కోల్ బాగా పని చేస్తుంది. ఇందుకు మీరు యాక్టివేటెడ్ చార్‌కోల్ టూత్‌పేస్ట్‌ని ఉపయోగించవచ్చు. దీన్ని నీటితో కలిపి, లేదా దంతాలపై సున్నితంగా బ్రష్ చేయడం ద్వారా ఉపయోగించవచ్చు. ఎనామెల్ దెబ్బతినకుండా నిరోధించడానికి కూడా ఇది ఉపయోగపడుతుంది.
ఆయిల్ పుల్లింగ్:
ఆయిల్ పుల్లింగ్ అనేది పురాతన ఆయుర్వేద అభ్యాసం. ఇది నోటి ఆరోగ్యాన్ని పెంపొందిస్తుంది. చాలా మంది ఆయిల్ పుల్లింగ్ అనేది ముఖ్యంగా కొబ్బరి నూనెతో, టాక్సిన్స్, ఉపరితల మరకలను తొలగించడం ద్వారా దంతాలు తెల్లబడటానికి సహాయపడతాయని పేర్కొన్నారు. శాస్త్రీయ ఆధారాలు పరిమితంగా ఉన్నప్పటికీ, ఈ పద్ధతిని దినచర్యలో చేర్చుకోవడం వల్ల నోటి పరిశుభ్రత మెరుగుపడటానికి, చిరునవ్వు చిందించడానికి ఉపయోగపడుతుంది.
మరక ఆహారాలు, పానీయాలను తగ్గించండి:
తెల్లటి దంతాల నిర్వహణలో నివారణ కీలక పాత్ర పోషిస్తుంది. కాఫీ, టీ, రెడ్ వైన్, పొగాకు వంటి మరక పదార్థాలను తీసుకోవడం తగ్గించడం వల్ల దంతాలపై పసుపు రంగును నివారించవచ్చు. మీరు ఈ వస్తువులను నిరోధించలేకపోతే, ఆయా మరకలను తీసేయడానికి వెంటనే నీటిని తీసుకోండి.
