ఆమెరికా అధ్యక్షుడు జో బైడెన్ కాన్వాయ్ ను ఓ ప్రైవేటు కారు ఢీ కొట్టింది. వెంటనే అలర్ట్ అయిన సిబ్బంది ఆయనను అక్కడినుంచి మరో చోటుకు తరలించారు. కారు డ్రైవర్ ను అదుపులోకి తీసుకున్నారు. డౌన్టౌన్ విల్మింగ్టన్లోని డిసెంబర్ 17 అర్థరాత్రి ఈ ఘటన జరిగింది.
అధ్యక్షుడు జో బైడెన్, ఆయన సతీమణి జిల్ డెలావర్లోని తమ పార్టీ ప్రచార కార్యాలయానికి వెళ్లారు. అక్కడ డిన్నర్ ముగించుకుని ఆఫీసు బయట ఉన్న కాన్వాయ్ వద్దకు వస్తుండగా.. ఓ కారు వేగంగా దూసుకొచ్చి కాన్వాయ్ను ఢీకొట్టింది.
ఆ సమయంలో జిల్ బైడెన్ అధ్యక్ష వాహనంలో కూర్చుని ఉండగా.. జో బైడెన్ వాహనానికి సమీపంలోనే ఉన్నారు. బైడెన్కు కేవలం 130 అడుగుల దూరంలో ఈ ఘటన జరిగింది. వెంటనే అలెర్ట్ అయిన అధికారులు వారిని మరో చోటుకు తరలించారు. ఈ ఈ ఘటనపై పోలీసులు దర్యాప్తు చేస్తున్నారు.