యూనియన్ పబ్లిక్ సర్వీస్ కమిషన్ (యూపీఎస్సీ) కంబైన్డ్ డిఫెన్స్ సర్వీస్ ఎగ్జామినేషన్ (I) 2026 నోటిఫికేషన్ విడుదల చేసింది. ఇండియన్ మిలటరీ అకాడమీ, నేవల్ అకాడమీ, ఎయిర్ఫోర్స్ అకాడమీ, ఆఫీసర్స్ ట్రైనింగ్ అకాడమీల్లో ప్రవేశాల కోసం మొత్తం 451 ఖాళీలను భర్తీ చేయనున్నారు. ఇందులో ఎస్ఎస్సీ మహిళలు (నాన్ టెక్నికల్) పోస్టులు కూడా ఉన్నాయి. ఆసక్తి, అర్హత గల అభ్యర్థులు ఆన్లైన్లో అప్లై చేసుకోవచ్చు. దరఖాస్తు ఫారమ్ను సమర్పించడానికి చివరి తేదీ డిసెంబర్30.
- పోస్టుల సంఖ్య: 451.
- ఖాళీల వివరాలు: ఇండియన్ మిలటరీ అకాడమీ, డెహ్రాడూన్– 162వ (డీఈ) కోర్స్ (ఆర్మీ వింగ్ ఎన్ సీసీ–సీ సర్టిఫికెట్ 13 పోస్టులతో కలిపి) 100, ఇండియన్ నేవల్ అకాడమీ, ఎజిమాల ఎగ్జిక్యూటివ్ బ్రాంచ్ (జనరల్ సర్వీస్)/ హైడ్రో (నేవల్ వింగ్ ఎన్సీసీ–సీ సర్టిఫికెట్ 06, హైడ్రో 01 పోస్టులతో కలిపి) 26, ఎయిర్ఫోర్స్ అకాడమీ, హైదరాబాద్ (ప్రీ ప్లైయింగ్) ట్రైనింగ్ కోర్స్ 221 ఎఫ్(పీ) (ఎయిర్ఫోర్స్ వింగ్ ఎన్సీసీ– సీ సర్టిఫికెట్ 03 పోస్టులతో కలిపి) 32, ఆఫీసర్స్ ట్రైనింగ్ అకాడమీ, చెన్నై 12వ ఎస్ఎస్సీ (మెన్) (ఎన్టీ) (యూపీఎస్సీ) కోర్స్ 275, ఆఫీసర్ ట్రైనింగ్ అకాడమీ, చెన్నై 125వ ఎస్ఎస్సీ వుమెన్ (ఎన్టీ) (యూపీఎస్సీ) కోర్స్ 18.
- ఎలిజిబిలిటీ
- ఐఎంఏ, ఆఫీసర్స్ ట్రైనింగ్ అకాడమీ, చెన్నై: గుర్తింపు పొందిన విశ్వవిద్యాలయం లేదా బోర్డ్ నుంచి డిగ్రీ పూర్తిచేసి ఉండాలి.
- ఇండియన్ నేవల్ అకాడమీ: గుర్తింపు పొందిన విశ్వవిద్యాలయం/ సంస్థ నుంచి ఇంజినీరింగ్ డిగ్రీ పూర్తి చేసి ఉండాలి.
- ఎయిర్ఫోర్స్ అకాడమీ: గుర్తింపు పొందిన విశ్వవిద్యాలయం నుంచి డిగ్రీ (10+2 స్థాయిలో భౌతికశాస్త్రం, గణితం చదివి ఉండాలి) లేదా బ్యాచిలర్ ఆఫ్ ఇంజినీరింగ్ పూర్తిచేసి ఉండాలి.
- గ్రాడ్యుయేషన్ చివరి సంవత్సరం/ సెమిస్టర్ చదువుతున్న అభ్యర్థులు కూడా అప్లై చేసుకోవచ్చు.
- వయోపరిమితి ( 2027, జనవరి 01 నాటికి)
- ఐఎంఏ, ఇండియన్ నేవల్ అకాడమీ: 2003, జనవరి 2 కంటే ముందు, 2008, జనవరి 1వ తేదీ తర్వాత జన్మించిన అవివాహిత పురుష అభ్యర్థులు అర్హులు.
- ఎయిర్ఫోర్స్ అకాడమీ: 20 నుంచి 24 ఏండ్ల మధ్యలో ఉండాలి. (2003, జనవరి 2 కంటే ముందు 2007, జనవరి 01తర్వాత జన్మించకూడదు). చెల్లుబాటు అయ్యే కమర్షియల్ పైలట్ లైసెన్స్ కలిగిన అభ్యర్థులకు గరిష్ట వయోపరిమితిలో 26 ఏండ్ల వరకు సడలింపు ఉంటుంది
- ఓటీఏ (ఎస్ఎస్సీ పురుషులు): 2002, జనవరి 02 కంటే ముందు, 2008, జనవరి 01వ తేదీ తర్వాత జన్మించిన అవివాహిత పురుష అభ్యర్థులు అర్హులు.
- ఓటీఏ (ఎస్ఎస్సీ మహిళలు): 2002, జనవరి 02 కంటే ముందు 2008, జనవరి 01వ తేదీ తర్వాత జన్మించిన అవివాహిత మహిళలు, సంతానం లేని వితంతులు/ విడాకులు పొందినవారు అర్హులు.
- అప్లికేషన్: ఆన్లైన్ ద్వారా.
- అప్లికేషన్ ప్రారంభం: డిసెంబర్ 10.
- అప్లికేషన్ ఫీజు: జనరల్, ఓబీసీ పురుష అభ్యర్థులకు రూ.200. ఎస్సీ, ఎస్టీ, మహిళా అభ్యర్థులకు ఫీజు లేదు.
- లాస్ట్ డేట్: డిసెంబర్ 30.
- ఎగ్జామ్ డేట్: 2026, ఏప్రిల్ 12.
- అడ్మిట్ కార్డ్: పరీక్షకు ఒక వారం ముందు.
- పరీక్ష కేంద్రాలు: తెలంగాణలో హైదరాబాద్, హన్మకొండ, ఏపీలో విశాఖపట్నం, విజయవాడ, తిరుపతి, అనంతపురం.
- ఫలితాల వెల్లడి: 2026, మే (తేదీ తాత్కాలికం)
- కోర్స్ ప్రారంభం (ఐఎంఏ/ ఐఎన్ఏ/ ఏఎఫ్ఏ): 2027, జనవరి.
- కోర్స్ ప్రారంభం(ఓటీఏ): 2027, ఏప్రిల్.
- సెలెక్షన్ ప్రాసెస్: రాత పరీక్ష, ఇంటర్వ్యూ, మెడికల్ ఎగ్జామినేషన్ ఆధారంగా అభ్యర్థులను ఎంపిక చేస్తారు.
- స్టేజ్–1 రాత పరీక్ష: యూపీఎస్సీ నిర్వహిస్తుంది. ప్రశ్నలు మల్టిపుల్ చాయిస్ రూపంలో ఉంటాయి. ఐఎంఏ/ ఐఎన్ఏ/ ఏఎఫ్ఏ అభ్యర్థులకు మూడు పేపర్లు ఉంటాయి. ఇంగ్లిష్ (100 మార్కులు), జనరల్ నాలెడ్జ్ (100 మార్కులు), ఎలిమెంటరీ మ్యాథమెటిక్స్ (100 మార్కులు) మొత్తం 300 మార్కులకు ఎగ్జామ్ ఉంటుంది.
- ఓటీఏ అభ్యర్థులకు రెండు పేపర్లు ఉంటాయి. ఇంగ్లిష్ (100 మార్కులు), జనరల్ నాలెడ్జ్ (100 మార్కులు) మొత్తం 200 మార్కులకు ఎగ్జామ్ ఉంటుంది.
- స్టేజ్–2 సర్వీస్ సెలెక్షన్ బోర్డ్ (ఎస్ఎస్బీ) ఇంటర్వ్యూ: 300 మార్కులకు ఉంటుంది.
- స్టేజ్–1, 2 పరీక్షల్లో నెగెటివ్ మార్కులు ఉన్నాయి. ప్రతి తప్పుడు సమాధానానికి 0.33 మార్కులు కోత విధిస్తారు.
- తుది ఎంపిక: రాత పరీక్ష, ఎస్ఎస్బీ ఇంటర్వ్యూలో సాధించిన మార్కులు, మెడికల్ ఫిట్నెస్ ఆధారంగా ఫైనల్ మెరిట్ లిస్ట్ ప్రకటిస్తారు.
- పూర్తి వివరాలకు upsc.gov.in
- వెబ్సైట్ను సందర్శించండి.
- శిక్షణ: మిలటరీ అకాడమీకి ఎంపికైన వారికి డెహ్రాడూన్లోని ఇండియన్ మిలటరీ అకాడమీ, నేవల్ అకాడమీకి ఎంపికైన వారికి కేరళలోని ఎజిమాలలోని ఇండియన్ నేవల్ అకాడమీ, ఎయిర్ఫోర్స్ అకాడమీకి ఎంపికైన వారికి హైదరాబాద్లోని ఇండియన్ ఎయిర్ఫోర్స్ అకాడమీలో శిక్షణ ఉంటుంది.
- ఉద్యోగం: శిక్షణ విజయవతంగా పూర్తి చేసుకున్న అభ్యర్థులను ఉద్యోగాల్లోకి తీసుకుంటారు. ఆర్మీ, నేవీ, ఎయిర్ఫోర్స్ల్లో ప్రారంభ స్థాయి ఆఫీసర్ ఉద్యోగాలైన లెఫ్టినెంట్, సబ్ - లెఫ్టినెంట్, ఫ్లయింగ్ ఆఫీసర్ హోదాలో కెరీర్ ప్రారంభం అవుతుంది.
